Astana qalasy Qorǵanys isteri jónindegi departamentiniń áskerı qyzmetshileri Elordada ótken qala jastaryna jumysqa ornalasý boıynsha konsýltasıalyq kómek kórsetý maqsatymen uıymdastyrylǵan sharaǵa qatysty. Sharaǵa, sondaı-aq, Astana qalalyq qoǵamdyq densaýlyq saqtaý basqarmasy, «Azamattarǵa arnalǵan úkimet» memlekettik korporasıasy, Jumyspen qamtý ortalyǵy, Medıasıany damytý ortalyǵy jáne Turǵyn úı qurylys jınaq bankiniń ókilderi qatysty. Sonymen qatar, kásibı zańger men psıholog mamandar jastarǵa tegin konsýltasıa júrgizdi. Qaladaǵy «Azıa park» oıyn-saýyq ortalyǵynda ótken ashyq esik kúninde jastarǵa ózin qyzyqtyrǵan saýaldaryna jaýap alý múmkindigi qarastyrylǵan.

Bul sharanyń maqsaty - elorda jastaryn memlekettik baǵdarlamalarmen tanystyryp, onyń múmkindigin paıdalanýdy usyný. Al áskerı qyzmetshiler óz aldyna jastarǵa áskerge barý sharttaryn, kelisimshart boıynsha qyzmetke turý, sondaı-aq, áskerı joǵarǵy oqý oryndaryna túsý jónindegi suraqtaryna jaýap berdi.

«Jastar arasynda áskerı salaǵa degen qyzyǵýshylyq mol ekenin ańǵardym. Keńes alý úshin kelgen jastardyń kóbin kelisimshart boıynsha áskerı qyzmet atqarý týraly másele qyzyqtyratynyn ańǵardym. Negizi jastar úshin óte paıdaly shara boldy», - dep Astana qalasy Qorǵanys isteri jónindegi departamentiniń áskerı qyzmetshisi Qaıyrbek Akbarov óz oıymen bólisti.