«Nur Otan» partıasy dástúrge saı jańa jyl qarsańynda múmkindigi shekteýli balalardy merekemen quttyqtaýdy bastap ketti.

Búgin Aqmola oblysynyń Arshaly aýdanynda ótken is-sharaǵa partıa Tóraǵasynyń Birinshi orynbasary Máýlen Áshimbaev arnaıy qatysty. «Kedergisiz keleshek» partıalyq jobasy aıasynda ótkizilgen is-sharaǵa aýdandaǵy múmkindigi shekteýli balalar men olardyń ata-analary qatysty.

Óz sózinde «Nur Otan» partıasy Tóraǵasynyń Birinshi orynbasary partıanyń «Kedergisiz keleshek» jobasyna toqtalyp ótti.

– Búginde Elbasymyzdyń tapsyrmasy boıynsha «Nur Otan» partıasy múmkindigi shekteýli jandarǵa jan-jaqty qoldaý kórsetip keledi. Atap aıtqanda, «Kedergisiz keleshek» jobasy boıynsha múmkindigi shekteýli azamattardyń sapaly bilim alýyna, olardyń jumyspen qamtylyp, qoǵamdyq-saıası ómirge belsene aralasýyna jáne elimizde kedergisiz orta qalyptastyrýǵa basymdyq berip otyrmyz, – dedi Máýlen Áshimbaev.

Sonymen qatar ol barsha qatysýshylardy merekemen quttyqtap, balalarǵa syı-sıapattar tartý etti.

Bas partıanyń osyndaı is-sharaǵa uıytqy bolyp, balalarynyń naǵyz merekelik kóńil-kúı syılaǵany úshin ata-analar óz rızashylyqtaryn bildirdi.

– Jańa jyl ár bala úshin jyl boıy kútetin mereke. Al múmkindigi shekteýli balalar úshin mundaı is-sharalardyń jóni múldem bólek. Búgin balamnyń júzinen kúlki úıirilip, el qatarly jańa jyldyq shyrshaǵa qatysqany úshin erekshe qýanyshtymyn. Osyndaı ıgi is úshin Elbasy partıasyna alǵysymyz sheksiz, – deıdi balasyn merekelik is-sharaǵa alyp kelgen ata-analardyń biri Nurjamal Qojabekova.