Qyzylordada 22 jastaǵy boıjetkendi kólikpen qaǵyp ketken 14 jasar bozbala qylmystyq jaýapqa tartylmaýy múmkin.

«Astana» arnasyna suhbat bergen advokat Svetlana Birjanova osylaı dedi. Óıtkeni, zańǵa saı 16 jastan asqandar ǵana jol kólik oqıǵacyna qatysty qylmystyq jaýapkershilikke tartylady.  SQO Advokattar alqasynyń múshesi Svetlana Birjanovanyń aıtýynsha, kólik tizgindegen bala kámeletke tolmaǵandyqtan, ol zańǵa saı múlde jaýapqa tartylmaıdy.

-"Sot kóliktiń ıesin anyqtaýy tıis. Eger temir tulpar balanyń ata- anasyna tıesili bolmasa jáne bala ony ózi aıdap áketkeni dáleldense, kólik ıesi ákimshilik jazaǵa tartylady. Eger kisi qaǵyp ketken kólik balanyń áke-sheshesiniki bolsa, onda olardyń biri úsh jylǵa bas bostandyǵynan aıyrylýy múmkin", - dedi advokat.

Al onyń kóliginiń astynda qalǵan qyz alǵan jaraqatynyń saldarynan 4 kún aýrýhanada es-tússiz jatqan kúıi kóz jumǵan. Saqshylar eki birdeı bap boıynsha sotaldy tergeý júrgizýdi bastady. Marqumnyń týystary ádil tergeýdi talap etip otyr.  

-"Oqıǵa ornynda onyń anasy kólik tizginin ulyna ózi bergenin aıtty. Tártip saqshylary "dál sol mańdaǵy baqylaý kameralary basqa jaqqa qarap tur" dedi. Shyndyqty izdep shyryldap júrmiz", - dedi marqum boıjetkenniń ápkesi Sánıa Abdýllaeva. 

♦Besikten beli shyqpaǵan bala mashınaǵa minip alyp, adamdy jazym etti

Osydan birneshe kún buryn Sánıa Abdýllaeva óziniń Feısbýktegi paraqshasynda 14 jastaǵy bozbalanyń Qyzylordadaǵy ataqty bıznesmenniń balasy ekenin jazǵan bolatyn. Sánıanyń sózine sensek, 14 jastaǵy Jádiger Sabyrjan Jádigeruly – bıznesmen Jádiger Oraqbaevtyń uly. Ári ákesi jaqynda ǵana Qyzylorda qalasynyń qurmetti azamaty ataǵyn alǵan eken. Al Oraqbaevtyń kelini Aqmaral Álnazarova – Qyzylorda oblysy densaýlyq saqtaý basqarmasynyń basshysy ekenin jazǵan.