Úndistannyń Batys Bengalı aımaǵynda Bradhman aýdanynda erekshe jaratylys ıesi týyldy, dep habarlaıdy The sun basylymy.

Úndistanda bir kózdi, murny joq erekshe buzaý týylǵan. Jergilikti turǵyndar bolsa ony «Qudaıdyń syıy» dep oǵan tabynyp júr. Turǵyndar bul buzaýdy sáttilik pen jaqsylyq alyp keledi dep senedi.

Buzaýdyń bir úlken kózi bar, al murny múlde joq. Belgili bolǵanyndaı, buzaý óte sırek kezdesetin aýrýǵa shaldyqqan – sıklopıa. Ádette, mundaı dıagnozben týylǵan janýarlar óli týylady nemese  kóp uzamaı ólip qalady.

Sıyrdyń erekshe buzaý týǵanyn estigen el-jurt álemniń túkpir-túkpirinen ony kórýge kele bastaǵan. Sıyr tólin emizbeı qoıǵandyqtan, búginde oǵan jergilikti turǵyndar qamqor bolyp júr.

Úndistanda janýarlar, keıde, tipti, adamdar genetıkalyq mýtasıamen týylyp jatady, sondyqtan bul elde mundaı erekshe jaratylysqa jurt asa tańdana bermeıdi.