Astana qalasynda ótken baspasóz konferensıasynda İİM vıse-mınıstr Janat Súleımenov Qaraǵandy qalasynda Jańa jyl qarsańynda bolǵan qandy oqıǵanyń sebebin aıtty.

«Tóbeleske meıramhanaǵa kelgen qonaqtar men meıramhana qyzmetkerleri qatysqan. Tergeý isine nátıjesinde, 14 adamnyń qatysqany belgili boldy, onyń 9-y meıramhana qyzmetkerleri.

Vıdeoda «Ejelgi Rım» meıramhanasynyń qandaı úlken ekendigi kórinedi, úlken zalynda sol kúni 400-ge jýyq adam bolǵan. Meıramhana erejesine sáıkes, ol túngi 3-ten bastap óziniń jumysyn toqtatýy kerek bolǵan, keıin saǵat 4-ke jýyq qonaqtarǵa eskertip, meıramhananyń jabylatynyn aıtqan.

Sol jerde kıkiljiń týyndap, arty tóbeleske ulasty. Meıramhanaǵa kelgen adamdar ózderiniń dostaryna qońyraý shalyp shaqyryp, 10 shaqty adam meıramhanaǵa basa kóktep kirip, túrli boqaýyz sózder aıtypty», - deıdi vıse-mınıstr.

Belgili bolǵandaı, «Ejelgi Rım» meıramhanasynyń qyzmetkerleri men ıeleri olarǵa jaýap berip, tóbeles bastalyp ketken.

«Ol oqıǵada armándar men qazaqtar bir-birine qarsy shyǵyp, ultarazdyq kıkiljiń týyndamaǵan. Tóbeles meıramhanada bastalǵan. Sondyqtan muny ultarazdyq qaqtyǵys dep tanymaý kerek», - dep atap ótti Súleımenov.

Toptyq tóbelestiń saldarynan 4 adam pyshaq jaraqatyn alyp, onyń bireýi oqıǵa ornynda qaza tapty.

Búginde sot sheshimi boıynsha 8 adam temir torǵa toǵytylǵan. Bireýi 1 qańtar kúni Qazaqstan-Reseı shekarasynan ótip úlgeripti. Kúdiktini qolǵa túsirý maqsatynda Reseıge qazaqstandyq qarýly kúshterdiń bir toby jóneltildi.