Aqan Sataev Serik Sápıev týraly kıno túsiretin bolyp, oǵan akter izdep jatyr ǵoı. Biraq áýeli Bekzat týraly kıno túsirilip bitýi kerek edi. Ótkende Bekzat týraly serıal shyǵaıyn dep jatyr dedi. Biraq Bekzat týraly kınonyń tolǵaǵy pisip-jetilmeı jatqanyna qansha ýaqyt... Bekzat týraly kıno túsirý úshin Bekzat tiri bolyp, parlamentte depýtat bolyp otyrýy kerek pe? 
Bekzat qanshama jasóspirimge úlgi bolatyn tulǵa edi. Onyń ómiri kınoǵa suranyp tur. Sol kınoǵa Bekzattyń gıtaramen án salatyny, dombyra shertetini, geografıa pánin qyzyǵa oqıtyny, gúldi jaqsy kóretini de qosylsa jaqsy edi. Mysaly, Sataev kóshe arasyndaǵy tóbeles týraly kıno da túsirdi ǵoı. Kóshe arasyndaǵy tóbelestiń kókesin sol Bekzattar kórgen shyǵar. Túrkistannyń ana basy men myna basyna jattyǵýǵa júgirip baryp kelýi de jasóskinge úlgi bolar edi. Bekzat arqyly táýelsizdik alǵan alǵashqy jyldardaǵy qazaq otbasylarynyń, qoǵamynyń qıyn jaǵdaıyn da kórsetýge bolar edi. Átteń, qaıda ketpeı jatqan aqsha Bekzatqa kelgende jetpeı-aq qoıdy. Eger Sápıev "Bekzattyń kınosy túsirilmeı, men týraly kıno shyqqanyn qalamaımyn" dese, seń qozǵalar ma edi. Shirkin-aı, qazaqtyń jigitteri bir-birin qoldap júrse ǵoı deısiń. 
19 jylda Bekzat týraly kınonyń túsirilip bitpeýi uıat qoı, bylaı qarasań. Osy amerıkalyqtar, úndister jylt etken sportshysy shyqsa, ol týraly keremet kıno túsirip tastaıdy. Aýzyń ashylyp otyryp kóresiń. Ony kórgen bala sportpen qalaı aınylyspasyn?! Al bizde bolmaǵyr komedıalardy túsirip, qazaq kınosyn damytyp jatyrmyz deıdi. İshinde sabaq alar túk bolmasa da kınoteatrǵa baryp kóremiz. Ómiri daıyn kıno adamdar týraly kıno túsirýge kelgende qýrap qalamyz!

Jadyra Narmahanovanyń feısbýk paraqshasynan