"Armıan genosıdine" qatysty Reseı Prezıdenti V.  Pýtınniń málimdemesinen keıin, Túrkıa Respýblıkasynyń jańa Prezıdenti Taıyp Erdoǵan myrza qarsy tarapqa ashyq narazylyǵyn bildirdi. Ol Pýtınnen Ýkraınadaǵy jaǵdaılarǵa qatysty esep (jaýap) berýin suraǵan. Bul týraly Reuters agenttigi habarlaıdy.

"Reseı atalmysh oqıǵaǵa qatysty  "genosıd" termınin birinshi márte qoldanyp otyrǵan joq. Jeke meniń narazylyǵymdy týdyrǵany - Pýtınniń osy qadamǵa barǵany, osy málimdemeni jasaǵany. Ýkraına men Qyrymdaǵy jaǵdaıdy búkil álem bilim, kórip otyr. Pýtın aldymen Ýkraına úshin, Qyrym úshin jaýap bersin. Sosyn baryp "genosıd" týraly sóz aıtsyn",-dedi Túkrıa Prezıdenti.

24 sáýir kúni Túrkıa SİM Pýtınniń "armıan genosıdine" qatysty málimdemesin synǵa alǵan bolatyn.

22 sáýir kúni belgili bolǵandaı, Reseı Prezıdenti Pýtın "genosıdsiz álem" aksıasynyń uıymdastyrýshylaryna hat joldaǵan. Hatta "1915 jyldyń 24 sáýiri - tarıhtaǵy eń aýyr, qaıǵyly, qaraly kún. Bul kúni adamzat tarıhyndaǵy  eń qorqynyshty - armıan halqynyń genosıdi bolǵan kún", delingen.

24 sáýir kúni Reseı Prezıdenti Erevanǵa arnaıy kelip, genosıdttiń júz jyldyǵyna arnalǵan sharalarǵa qatysqan. Ol tarıhı eskertkishke gúl shoqtaryn qoıyp, tarıhı murajaılardy aralaǵan. Odan keıin Pýtın óziniń resmı baıandamasynda "halyqty jappaı qyryp salǵandardyń áreketi eshqandaı aqtaýǵa jatpaıdy", degen.

1915-1923 jyldar aralyǵyn Armıan halqy genosıd nemese "uly qyrǵyn" dep ataıdy. Sebebi, Osman ımperıasy tusynda dál osy jyldar aralyǵynda ımperıashyldardyń qolynan myńdaǵan armıan ulty azamattary qaza tapqan. Túrik derekkózderinde sol jyldary 200 myńnan astam armıan halqy qyrylǵan dep kórsetilse, armıan derekkózderinde mıllıonǵa jýyq dep aıtylady. Dese de, Túrkıa bıligi bul qandy qyrǵynǵa "genosıd" degen at berýge qarsy.

Nurzat Toǵjan