Tanymal psıhıatr ómirdegi eń mańyzdy 22 erejeni tujyrymdady. Shyndyǵynda, bul erejelerdi oqı otyryp oıǵa batasyz. Kóptegen adamdar minsiz qarym-qatynas qurýdy, óz qıalyndaǵy jumysty tabýdy, jalpy aıtqanda qoǵamda baqytty ómir súrýdi armandaıdy. Biraq bir ǵana maqsatty oryndaý úshin kóptegen kúsh-jiger ári ýaqyt, tózim men tabandylyq qajet.

Bireýler keregesi berik otbasy qursa, endi bireýler kásibin órge domalatady, taǵy bireýleri álemdi aralap, saıahat jasap, sodan lázzat alady.

Mıhaıl Lıtvak praktıkalyq psıhologıa týraly 30 shaqty kitap jazǵan jazýshy ári psıholog. Ony sheteldikter álemdegi saýsaqpen sanarlyq kásibı psıhologtyń qataryna qosady. Ol osyǵan deıingi ómirlik tájirıbesin negizge ala otyryp eń mańyzdy degen 22 qaǵıdany tujyrymdady. Atalmysh qaǵıdalardy Qamshy.kz aqparat agenttigi qazaq tiline tájimalap oqyrman nazaryna usynady. 

Baqyt maqsat bola almaıdy

Baqyttyń artynan júgirýdi toqtatyńyz. Siz baqytty basqa bir beıtanys adamnan nemese materıaldyq qundylyqtardan taba almaısyz. Baqyt sizdiń ishki dúnıeńizben tikeleı baılanysty. Siz ómirden lázzat ala bastaǵan kezde ǵana baqytty bol alasyz. Siz óz boıyńyzdaǵy talantty, daryndy damytyp, óz jetistikterińiz ben maqsattaryńyzǵa qaıtadan nazar salyp kórińiz. Boıyńyzdaǵy qasıet pen daryndy maqsatqa aınaldyrsańyz ǵana baqytty bola alasyz.

Kópshiliktiń pikirine qulaq asýdy doǵaryńyz

Eger siz ózińizdiń jaqsy, aqyldy jáne barlyq jaqsylyqqa laıyqty adam dep eseptep, soǵan bek senimdi bolsańyz sizge basqa adamdardyń pikiri qajet te bolmaıdy.

Eshteńe suramańyz jáne eshkimnen eshteńe kútpeńiz

Eger siz shyn mánisinde jetistikke jetkińiz kelse, basqa adamdardan ruqsat suramańyz. Kerisinshe siz óz ómirińizdi tolyqtaı ózińiz ǵana baqylap otyrýǵa tyrsyńyz.

Teoretık bolmańyz

Qyzý jumystyń arasynda pisip, jetilgen adam bolyńyz. Teorıalyq bilimge ǵana emes,praktıkalyq bilimge, is-áreketke jaqyn bolyńyz.

Josparly is-áreketter – sáttiliktiń kepili

Siz ózińizdiń kúndelikti ómirińizdi baqylap, josparlap otyrýdy ádetke aınaldyryńyz. Bul da bir baqyttyń kilti.

Janyńyzdaǵy adamdarǵa senimsizdik tanytyp, kúmándana bermeńiz

Jaýyńyz sizdiń janyńyzdaǵy adamdar emes. Eń úlken jaýyńyz – ózińiz. Sondaı-aq bul jaýdy jeńý de asa ońaı emes. Ózgelermen alysyp ýaqyt joǵaltqansha, ózińizben kúresip, óz nápsińizdi jeńip,jetistikke jetińiz.

Siz barlyǵyna unaıtyn dollar emessiz

Eger siz barlyǵyna birdeı unaýǵa tyrysyp, soǵan saı áreket jasasańyz, ońbaı qulaısyz. Sizdiń aldyńyzdan mindetti túrde úlken sátsizdik paıda bolyp, barlyq adamnan kóńilińiz qalatyny anyq. Sebebi bárine unaý – múmkin emes. Sondaı-aq qajeti de shamaly. Este saqtańyz, barlyǵyna jaǵynýdyń sońy sizdi yńǵaısyz jaǵdaıǵa qaldyryp, emosıalyq turǵydan qatty sharshaýǵa ákelip soǵady.

Sizge kómek kórsetken adamǵa aqsha tóleńiz

Barlyq adam birdeı emes árıne. Alaıda keı adamdardyń is-áreketinen siz ózińizdi ishteı kináli sezinetin sátter bolady. Eger aınalańyzdaǵy adamdar sizge kórsetken kómekten birnárse dámetkenin baıqap, sezgen bolsańyz, olardan «maǵan jasaǵan kómegińizdiń quny qansha?», — dep ashyq surańyz. Ózara eseptesip, qosh aıtysyńyz. Alaıda ózińiz bireýge tegin kómek kórsetseńiz odan eshteńe kútpeńiz. Al eger uzaq ýaqytyńyzdy alatyn bolsa, ashyq áńgimege kóship, belgili bir kólemde aqsha tóleý kerektigin aıtyńyz.

Shynaıy dúnıeni armandańyz

Bolmaıtyn nárselerdi qıaldap ýaqyt joǵaltpańyz. Eger qıaldaý unaıtyn bolsa, shynaıy, oryndalatyn dúnıelerdi oılaǵan jón. Sizdiń alǵa qoıǵan maqsatyńyz ben qıalyńyz bir-birimen úılesim tabýy kerek.

Depressıa – qarańǵy túnek emes

Depressıaǵa salynyp, ómirden túńilýge jol bermeńiz. Depressıa – tym aýyr, qaýipti dert. Biraq kúızeliske túsken kezdiń de paıdaly tusyn ańǵarýǵa bolady. Kúızeliske túsý siz óz ómirińiz týraly oılanyp, ótken kúnderińizge saraptama jasaýyńyzǵa múmkindik beredi. Osy týraly tolyqtaı oılanyp, tolǵanyp, bir sheshim qabyldańyz. Tek kúızeliske túsken ýaqytyńyz uzaqqa sozylmasyn. Sheshim qabyldaǵan boıda alǵa jyljyńyz, maqsat qoıyp, sol maqsatqa jetý úshin aıanbaı eńbek etińiz.

Dushpandaryńyzben aralasyńyz

Dostarmen aralasyp, sóılesip, ýaqyt ótkizý óte paıdaly ári jaǵymdy ekeni belgili. Buǵan daý joq, árıne. Alaıda dushpanyńyzǵa aınalǵan adamdarmen aralasý da sizge paıda ákeletinin umytpańyz. Siz olarmen aralasa otyryp ózińiz týraly jańa aqparat bile alasyz. Ol sizge unaýy da, unamaýy da múmkin. Alaıda "syn túzelmeı, min túzelmeıdi" degendi jadyńyzda ustańyz. Keı kezde dostardan góri dushpannyń sózine qulaq asqan da paıdaly.

Kitap – eń jaqsy keńesshi

Jaqsy kitapty oqý árqashan paıdaly. Sizge kóńil kóterip, dostarmen qydyrǵannan góri kitap oqyǵan áldeqaıda paıdalyraq.

Ýaqytyńyzdy tıimdi júzege asyryp, paıdaly ótkizińiz

Ómirde ár mınýtyńyzdy paıdaly dúnıege arnańyz. Sondaı-aq barlyq zeıinińizdi paıdaly dúnıege aýdaryńyz. Myna sharshaǵan, jabyrqaǵan, kúızeliske túsken álemnen jaqsy, paıdaly dúnıeni izdep, soǵan umtylyńyz. Negizi kópshilikke ǵylym men fılosofıasynyń paıdasy zor.

Tabysqa jetýge arnalǵan qarym-qatynas qurýǵa talpynyńyz

Eger sizge romantıkalyq nemese resmı qarym-qatynas keri áser etkenin sezseńiz, onda basqa nusqalardy da qarastyrý kerek. Sebebi sizdiń ishki sezimińiz aldamaıdy. Ózińizge unamaıtyn qarym-qatynas sáttilik pen tabysqa jetýge keri áserin tıgizedi.

Adamdardan qoryqpańyz

Eger siz beıtanys adamdarmen sóılesýge qoryqsańyz, bul kemshilikti mindetti túrde joıyńyz. Eń bolmasa, alǵashqy sekýndynda beıtanys adamdarǵa jylyshyraı tanytyńyz, sol kezde beıtanys adam da eń jaqyn adamǵa aınalýy bek múmkin.

Áıelderdiń túsiniksiz logıkasy týraly birer sóz

Negizinde áıeldiń nemese erkektiń logıkasy dep bólek qarastyrýdyń ózi logıkaǵa qaıshy. Adam ne aqyldy, ne aqymaq bola alady. Bar bolǵany osy.

Jalǵyzdyqtan qoryqpańyz

Eger siz romantıkalyq qarym-qatynastan keıin jalǵyz qalǵan bolsańyz qorqýdyń esh qajeti joq. Jalǵyzdyq – sizdiń rýhanı turǵydan kemeldenýińizge áser ete alady. Sonymen birge óz-ózińizben ońasha qalý sizge áldeqaıda paıdaly bolmaq.

Qýanyshpen bólisińiz

Óz baqytyńyzǵa, qýanyshyńyzǵa kelgen kezde eshqashan egoıst bolmańyz. Siz qýanyshty bólisip, súıinshisin suraǵan saıyn qýanysh eselene túsedi. Sondaı-aq sen jaqyndaryńnyń qýanyshtan bal-bul janǵan sátine kýá bolasyń. Bul da bir baqyt emes pe?!

Sizdi eshkim toqtata almaıdy

Qarapaıym ǵana ereje bar. Keı adamdar tez qozǵalady, al siz óz shama- sharqyńyz jetkenshe qozǵalasyz. Bastysy – qozǵalys. 

Sizdi balaǵattasa da mán bermeńiz

Óz maqsatyńyzǵa jetken kúni siz týraly aıtqan orynsyz syn-pikir de, balaǵat sózder men ǵaıbat sózder de mán-maǵynasyn joǵaltady. Siz ol týraly tipti umytyp ketýińiz múmkin.

Óz-ózińizdi maqtap, madaqtaı bilińiz

Óz-ózin maqtap, madaqtaı almaǵan adam bóten adamdardy synǵa alyp, solardyń minin terip otyrady. Óziniń aıtary bolmasa da ósektep, ǵaıbattaýǵa sheber bolyp alady.

Ózińiz úshin ómir súrýdi úırenińiz

Eger siz ózińizdiń ómirlik qaǵıdalaryńyzdy janyńyzdaǵylarǵa túsindirip, óz pikirińizdi qorǵashtap, aqtalsańyz, onda bilińiz, siz basqa adamdar úshin ómir súrip júrsiz. Tez arada ózgerý qajet. 

Bul qaǵıdalardy ustaný arqyly ómirdi áldeqaıda jeńil etip, jaqsy jaǵynan ózgertýge bolady. Árıne, barlyq qaǵıdany birden oryndap, júzege oryndaý qıynǵa soǵatyny belgili. Alaıda kúnine 3-4 qaǵıdany ustanyp, ózińiz ben nápsińizdi úıretińiz. Bilińiz, sizdiń eń basty jaýyńyz – óz nápsińiz. Sáttilik serik bolsyn!