Rahymberdıev urys alańdarynda eshqandaı ádildik joq ekenin, ol jaqta musylman musylmannyń qanyn tógip jatqanyn aıtty. Sırıada birneshe qazaqstandyq ólim jazasyna kesilgen. Bul týraly Ulttyq qaýipsizdik komıtetiniń departament basshysy Baqytbek Rahymberdıev syrtqy ister mınıstrliginde ótken baspasóz konferensıasynda málimdedi, dep habarlady Qamshy.kz aqparat agenttigi Sputnik Qazaqstan saıtynyń deregin negizge alyp.
Onyń aıtýynsha, sheteldik aldap-arbaýshylar bizdiń azamattarymyzdy ınternet arqyly tarta bastaǵan.
"Bul nasıhat áleýmettik jelilerde júrgizildi. Olar ondaǵy jumaq ómir jaıly baıandaıdy. Adamdardy onda bári ádiletti, barlyq dinı qaǵıdalar saqtalady dep qyzyqtyrǵan ", — dedi Rahymberdıev.
Ol qazir urys alańdarynda – Sırıa, Irak jáne Aýǵanstanda 380-ge tarta qazaqstandyq bar ekenin atap ótti.
"Kóbisi – áıelder, olarmen birge 400-500 bala turyp jatyr. Olar onda jaǵdaı múlde olaı emes ekenine kóz jetkizdi, eshqandaı ádildik joq. Ol jaqta musylman musylmanmen, bir top ekinshisimen soǵysyp jatyr", — dep tolyqtyrdy Baqytbek Rahymberdıev.
Departament basshysynyń aıtýynsha, ol jaqqa bir barǵan soń, qaıta shyǵýǵa múmkindik joq.
"Ondaı qadamǵa barǵany úshin ajal qushýy da múmkin. Bizdiń birneshe azamatymyz qashqany úshin ólim jazasyna kesildi degen málimet bar", — dep túıindedi Rahymberdıev.
Pikir qaldyrý