Túrkistan oblysy Abaı aýylyndaǵy jynystyq zorlyq-zombylyqtyń qurbany bolǵan jasóspirimniń isine núkte qoıyldy dep habarlaıdy Qamshy.kz aqparat agenttigi. 

Búgin atalmysh qylmysqa qatysy bar, 4 kúdiktiniń bireýine sot úkim shyǵardy. 16 jastaǵy sottalýshy 7 jyl bas bostandyǵynan aıyryldy. Ol kámelet jasqa tolmaǵan balalarǵa arnalǵan kolonıada jazasyn óteıtin bolady. 16 jastaǵy jasóspirimdi sot zalynda qamaýǵa aldy. 

Alaıda prokýror 7,6 jyl bas bostandyǵynan aıyrý jazasyn suraǵan.

Eske salaıyq, áleýmettik jelide "Túrkistan oblysynyń Saryaǵash aýdanyndaǵy Abaı aýylynda jeti jasar bala zorlandy" degen aqparat taraǵan. Keıin TVK málimetinshe, Túrkistan oblysy İİD-niń  ókilderi bul derekke qatysty QR Qylmystyq kodeksiniń 121-babynyń 4-bóligi ("Seksýaldyq sıpattaǵy zorlyq-zombylyq áreketteri") boıynsha qylmystyq is qozǵalǵanyn habarlaǵan. Alaıda kúdiktiler nemese ustalyp, qamalǵandar jaıly eshqandaı málimet túspedi. Artynsha Bilim jáne ǵylym vıse-mınıstri Bıbigúl Asylova saraptama qorytyndysy oqýshy balanyń zorlanǵanyn rastaǵanyn habarlady. Atalmysh iske baılanysty tergeý jumystary men sot talqysy shamamen 1 jylǵa sozyldy.