Sınoptıkterdiń aıtýynsha, aldaǵy úsh kúnde aýa temperatýrasy joǵarylaıdy dep jazady Qamshy.kz aqparat agenttigi. "Qazgıdromet" sınoptıkteri 2019 jyldyń 12-14 qańtaryna aýa raıy boljamyn usyndy.

Sınoptıkterdiń boljaýynsha, aldaǵy kúnderi Qazaqstanǵa Qara teńiz aýmaǵynan keletin atmosferalyq fronttardyń saldarynan sibirlik antısıklon álsirep, respýblıkanyń basym bóliginde aýa temperatýrasy joǵarylaıdy. 

Batys jáne soltústik-batys óńirlerde kún jylynyp qana qoımaı, qar jaýyp, keı jerde burqasyn bolady, qatty jel uıytqıdy. Al Qazaqstannyń ońtústik, ońtústik-shyǵys jáne shyǵys oblystaryndaǵy aýa raıyna ońtústik sıklon áser etip, keı jerde qar jaýyp, burqasyndatady ári batystan qatty jel soǵady. Ońtústik jáne ońtústik-shyǵysta tuman jáne kóktaıǵaq bolady.

İri qalalarda aýa raıy qandaı bolady

Gismeteo málimetine súıensek, 12 qańtarda Astanada kúndiz aýa temperatýrasy mınýs 17 gradýs bolsa, keshke mınýs 14 gradýsqa deıin tómendeıdi. Almatyda kúndiz 0 gradýs, al keshke 2 gradýs nólden tómen bolady. Shymkentte kúndiz de, keshke de aýa temperatýrasy – 1 gradýs nólden joǵary.

13 qańtarda elimizdiń bas qalasy Astanada kúndiz 9 gradýs aıaz, al keshke —10 gradýs bolady. Almatyda – kúndiz —3 gradýs, keshke —4 gradýs. Shymkentte kúndiz 8 gradýs jyly bolsa, keshke +1 gradýsqa deıin sýytady.

14 qańtarda Astanada kúndiz —6 gradýs, keshke —7 gradýs. Almatyda synap baǵanasy kúndiz 2 gradýs nólden joǵary bolsa, keshke —1 gradýsqa deıin salqyndaıdy. Shymkentte – kúndiz +13 gradýs, keshke +8 gradýs.