Atyraý oblysynyń burynǵy ákimi Bergeı Rysqalıevti 17 jylǵa bas bostandyǵynan aıyrdy. Bul týraly Atyraý oblystyq sottyń baspasóz qyzmeti málimdedi dep jazady Qamshy.kz aqparat agenttigi Tengrinews.kz saıtynyń deregin negizge alyp. 

Burynǵy ákimge óziniń qyzmettik ókiletittigin paıdalana otyryp, Atyraý oblysy ákimdigindegi laýazymdy tulǵalarmen aldyn ala sóz baılasý arqyly memleketten iri somada qarajat jymqyrý, alaıaqtyq jáne para alý aıyptary taǵylǵan. Memleket kórgen shyǵynnyń somasy 72 mıllıard teńgeden asady. Onyń aǵasy, Parlament Májilisiniń burynǵy depýtaty Amanjan Rysqalıevti sot 16 jylǵa bas bostandyǵynan aıyrdy. 

Aıyptaý aktisine sáıkes, Bergeı Rysqalıev óziniń qyzmettik ókiletittigin paıdalanyp otyryp, Atyraý oblysy ákimdigindegi laýazymdy tulǵalarmen aldyn ala sóz baılasý arqyly memleketten iri somada qarajat jymqyrý maqsatynda qylmystyq top qurǵan.

Qylmystyq is 754 tomnan turady. Sottalýshylar sotqa kelmeý sebebinen proses olardyń qatysýynsyz ótti. 

Usynǵan: Ásel Bolatqyzy