Elimizge belgili jýrnalıs, «Aq jaıyq» basylymynyń negizin qalaýshy Ábdildá Muqashev ómirden ozdy. Bul jaıynda atalmysh basylymnyń bas redaktorynyń keńesshisi Sabyr Qaıyrhanov málimdedi, dep jazady Qamshy.kz aqparat agenttigi kaztag.kz saıtynyń málimetine súıene otyryp.

Onyń aıtýynsha, jýrnalıs Atyraý qalasynda senbi kúni aýrýdan kóz jumypty. Jerleý rásimi 29 qańtar kúni ótkiziledi eken.

Ábdildá Muqashev – jasy 58-de, Atyraýdyń týmasy. Ol Qazaq memlekettik ýnıversıtetiniń jýrnalısıka fakúltetin támamdap, eńbek jolyn tıpografıadan bastaǵan, keıinnen «Prıkaspııskaıa komýna» gazetinde tilshi bolyp qyzmet atqarǵan.

«Ol 1991 jyly «Aq jaıyq» gazetin shyǵaryp, keıinnen atalmysh basylym táýelsizdik jyldarynda Atyraý jańalyqtaryn shyǵaratyn jergilikti basylymǵa aınaldy. Sondaı-aq, sóz bostandyǵy men qazaqstandyqtardyń quqyǵyn qorǵaıtyn gazet boldy. «Aq jaıyq» gazeti búginde respýblıka kóleminde ózindik aýdıtorıasy men bedeli bar basylymdardyń birine aınalǵan. Munyń bári, árıne, Ábdildá Muqashevtiń eńbeginiń arqasynda. Onyń ómirden ozǵany – otandyq jýrnalısıkada orny tolmas qaza», - deıdi Jýrnalıser odaǵynyń basshysy Seıtqazy Mataev.

Ábdildá Muqashev Jýrnalıser odaǵynyń múshesi, Atyraý qalasyndaǵy «Ulttyq pres-klýb» fılıalynyń uıymdastyrýshysy jáne Qazaqstandaǵy bedeldi jýrnalıs boldy.

Daıyndaǵan: Nazerke Labıhan