250-ge jýyq qazaqstandyq áıelder Sırıa, Irak jáne Aýǵanstanda qarýly qaqtyǵys aımaǵynda júr. Bul jaıynda Qamshy.kz aqparat agenttigi Tengrinews.kz saıtynyń málimetin negizge ala otyryp jazady.

Mundaı málimdemeni UQK basshysynyń orynbasary Nurǵalı Bilisbekov Komıtettiń halyqaralyq máselelerge qatysty ótken jıynda aıtty.

-Búginde kóptegen áıelder kúıeýleriniń sońynan erip ketip jatyr. Olardyń ishinde Qazaqstan aýmaǵynda qylmystyq jaýapqa tartylǵandar da bar. Qazaqstandyq áıelderdiń birazy qazirgi tańda qarýly qaqtyǵys aımaǵynda júrgeni týraly aqparat bar, olardyń keıbireýleri, tipti sol proseske aralasyp ta ketipti. Olar elge oralǵan jaǵdaıda qylmystyq is qozǵalyp, jaýapqa tartylatyn bolady»-, - dep aıtyp ótti Nurǵalı Bilisbekov.

Esterińizge sala keteıik, aǵymdaǵy jyldyń 6  qańtarynda arnaıy operasıa barysynda 47 qazaqstandyq Sırıadan elge oralǵany belgili. Olardyń 30-y – ákeleri soǵysta qaza tapqan kishkentaı balalar.

Daıyndaǵan: Nazerke Labıhan