Qazaqstandyq ánshi Dımash Qudaıbergen 29 qańtarda Astanada ótken baspasóz máslıhatynda Qytaıdaǵy etnıkalyq qazaqtardyń máselesi týraly pikirin bildirdi, dep jazady Qamshy.kz aqparat agenttigi.

Baspasóz jıynynda Azattyq tilshisi ánshiden "Siz álemge Qytaı naryǵy arqyly tanyldyńyz. Qytaıdaǵy etnıkalyq qazaqtardyń máselesi jaıynda bilesiz be? Olardyń máselesin kóterý oıyńyzda bar ma? dep surady.

Dımash Qudaıbergen bul suraqqa:

- Álemniń qaı túkpirindegi qazaq bolmasyn - ózimizdiń aǵaıyndarymyz jáne olardyń taǵdyry biz úshin eshqashan qyzyqsyz bolyp qalmaıdy. Qolymnan kelse, bárin bere edim, biraq meniń qolymnan kelmeıdi, men tek ánshimin, dıplomat emespin. Qazir ózimdi tek ánshi retinde kórem. Bul máselede alańdamaıdy dep oılamańyzdar. Meniń de janym aýyrady. Men de bul máseleniń tezirek sheshilgenin qalaımyn, - dep jaýap berdi.

♦Dımash Astana kúnine qandaı syı jasamaq?

Dımash Qudaıbergen baspasóz máslıhatyn bıyl jazda Astanada beretin "Arnaý" jeke konsertine arnap ótkizdi. Jıynda ánshi óziniń shyǵarmashylyq jumystary, josparlary týraly aıtyp, jýrnalıser saýaldaryna jaýap berdi.

Usynǵan: Gúlim Jaqan