Almaty oblysynyń tártip saqshylary aýyldasyn judyryqpen uryp óltirdi degen kúdikke ilingen Talǵar aýdanynyń 50 jastaǵy turǵynyn ustady, dep habarlaıdy Qamshy.kz aqparat agenttigi QazAqparat saıtynyń deregin negizge alyp.
Oqıǵa 23 qańtarda Talǵar aýdanyndaǵy Tuzdybastaý aýylynda bolǵan. Eki aýyldastyń arasyndaǵy turmystyq janjal tóbeleske ýshyǵyp, aýyr jaraqat alǵan 52 jastaǵy er adam, aýrýhanada kóz jumǵan.
Tergeý barysynda, kóz jumǵan azamat pen kúdiktiniń jubaıy arasyndaǵy janjal kezinde tóbeles bolǵanyn jáne kúdikti jubaıyn qorǵaý maqsatynda osyndaı qadamǵa barǵanyn túsindirdi.
«Bul fakti boıynsha QR Qylmystyq kodeksiniń 106-babyna sáıkes, «Densaýlyqqa qasaqana aýyr zıan keltirý» deregi boıynsha sotqa deıingi tergeý amaldary júrgizilýde. Kúdikti azamat ustaldy jáne Talǵar aýdany polısıasynyń ýaqytsha ustaý oqshaýlaǵyshyna qamaqqa alyndy. İsti tergeý Talǵar aýdandyq polısıa qyzmetkerleriniń óndirisinde» dep atap ótti vedomstvonyń baspasóz qyzmeti.
