Kezinde Maǵjan Jumabaev «Men jastarǵa senemin» dep úlken kóregendilik tanytyp, bolashaqtyń ıesi jastar ekendigin aıtqan eken. Shyndyǵynda, jastar birikse úlken kúsh. Jastar aldyna maqsat qoısa, alynbaıtyn qamal joq. Sondyqtan men barlyq jastardy izdenip, bilimdi tereńdetip, el ıgiligi úshin qyzmet etýge shaqyramyn.
Mine, búgin elimizdiń barsha jastary úshin úlken mereke. Elbasy «Jastar jylyn» jarıalap, árbir júrekke ot berdi. Qandaı baǵytta, ne isteý kerek ekendigine deıin aıqyndap berdi. Alysqa baryp, bir jańalyq ashsam deýdiń esh keregi joq ekendigine kózim jetti. Ózimizdiń zamandastarymyzdyń qol jetkizgen tabystaryna qarap qýanyp otyrmyz. Bıyl da Elbasymyz memleket tarapynan qanshama grant bólýdi tapsyrdy. Bul basqosý jastarǵa jańasha qanat bitirdi.
Almatyda 2017 jyl Jastardy qorǵaýǵa arnalǵan jyl bolyp jarıalanǵany belgili. Sol kezde otyz jasqa deıingi jastardy baspanamen qamtý máselesi aldyńǵy orynǵa qoıylyp, talaı jasqa baspana baqyty buıyrǵan edi. Mine, endi respýblıka jastary úlken qoldaýǵa ıe bolyp, ózderiniń bıznes josparlaryn, basqa da maqsattaryn júzege asyrýdyń ýaqyty kelip tur. Sondyqtan Elbasy qoldap, jastarǵa jiger berip otyrǵanda nege serpilmeske? Barlyq jastardy oı bólisip, birlese eńbek etýge shaqyramyn. Bizdiń biraz jobalarymyz bar. Kóp bolyp aqyldasyp, biraz bıznes josparlardy júzege asyrýǵa bolady.
Aısultan Taýbaıuly
