Búgin Gaýhar Álimbekovaǵa qatysty sot otyrysy ótti dep jazady Qamshy.kz aqparat agenttigi. Almaty qalasy Almaly aýdanyndaǵy sot sheshimi boıynsha tanymal ánshi 6 jylǵa sottaldy. 

Gaýhar Álimbekovaǵa alaıaqtyq jasady degen aıyp taǵyldy. Ánshi 15 jyl boıy jaqyn qurby bolǵan Baqyt Nazarovadan 40 myń dollar aqsha alyp, "Aqkent" aýdanynan páter alyp beremin dep aıtqan. Biraq Gaýhar Álimbekova óz ýádesin oryndamaǵan.  Sol kúıi aqshasyn da qaıtarmapty.

Baqyt Nazarova bolsa qurbysyna senip kóligin satyp, nesıe alǵanyn aıtyp, ótemaqy retinde 51 myń dollar men 10 mln teńge talap etti. Gaýhar Álimbekovaǵa 40 myń dollardy qaıtarý mindetteldi. 

Al prokýror bolsa tanymal ánshini 8 jylǵa bas bostandyǵynan aıyrýdy surady. 

Ásel Bolatqyzy