Senat tóraǵasy Qasym-Jomart Toqaev memleket ataýyn ózgertýge negiz joq ekenin málimdedi, dep jazady Qamshy.kz aqparat agenttigi sputniknews.kz saıtynyń málimetine súıene otyryp

Osy ýaqytqa deıin májilis depýtaty Azat Perýashev Qazaqstan Respýblıkasynyń ataýyn Qazaq Respýblıkasy dep ózgertýdi usynǵan bolatyn. Májilismenniń aıtýynsha, bul ıdeologıa turǵysynan tarıhı ádildik ornatýdyń bir joly.

Toqaev bul usynyspen kelispeı, elde budan da ózekti máseleler bar ekenine toqtaldy.

"Qazaqstan Respýblıkasy degen ataý qala berýi tıis. Halyqaralyq deńgeıdegi kóptegen kelisimshartqa bizdiń prezıdent Qazaqstan Respýblıkasynyń atynan qol qoıdy. Eldiń ataýyn ózgertýge eshqandaı negiz joq. Bizde budan da basqa máseleler jetedi", — dedi palata spıkeri jýrnalıserdiń suraǵyna jaýap berip turyp.

Qazaqstan ataýyn ózgertý týraly saýal áli de talqyǵa salynyp keledi. Osy ýaqytqa deıin respýblıkanyń ataýyn "Qazaq eli" dep ózgertý usynylǵan bolatyn.

Usynǵan: Nazerke Labıhan