Bul - siz ben biz aıtatyn jaı ǵana sóz emes, bul Uly Jaratýshy Allanyń ýádesi! Bul - qudireti kúshti Allanyń sózi!

Bir túnde bes qyzynan aıyrylǵan ata-ana! Qıyndyq kórip qabyrǵasy qaıysqan jan!
Bil! Túnnen keıin kún shyǵady, qatty jel ýaqytsha mazany alǵanymen, sońy aq jańbyrǵa ulasyp, kóńildegi kirdi shaıady!
Kókti bult torlasa, ol da máńgilik emes. Kóp uzamaı aspan ashylady. Bulttyń ornyn kún basady.

Dáýit paıǵambardyń 30 uly bir kúnde ómirden ozdy. Taǵdyryna sabyr etken ata-anaǵa Alla otyz ulǵa tatıtyn bir perzent syılady. Ol Súleımen paıǵambar edi! Alla Taǵalanyń kúsh-qudireti bárine de jetedi! Ol qalasa múmkin emes nárse júzege asyp, siz ben biz oılap ta kórmegen jaqsylyqtar jańbyrsha jaýady!

Alla qalasa, bul ómirde kózderińizdiń qýanyshy bolǵan qyzdaryńyz Qıamette eń úlken tabys - Jánnatqa kirýlerińizge sebep bolady. Hadıste «Balıǵat jasyna jetpegen úsh balasy ómirden ozǵan musylmandy Alla balalaryna degen meıirim, rahymynyń sebebimen jánnatqa kirgizedi», - delingen.
Endeshe, bolǵan iske bolattaı berik bolyńyzdar! Alla balalardy raxymyna bólep, sizderdi bul dúnıede de, Aqyrette de zor syıymen qýantsyn!