Eńbek jáne áleýmettik qorǵaý vıse-mınıstri Svetlana Jaqypova Úkimettiń búgingi selektorlyq jıynynda Astana qalasynda bolǵan qaıǵyly jaıtqa qatysty jýrnalıserdiń suraqtaryna jaýap berdi. Onyń aıtýynsha, mınıstrlik ujymy mınıstr Ábilqasymovamen birge orny tolmas qazaǵa tap bolǵan otbasyǵa keshe baryp kóńil aıtypty, dep jazady Qamshy.kz aqparat agenttigi.

Vıse-mınıstr óz málimdemesinde vedomstvonyń kópbalaly otbasylarǵa qoldaý kórsetý sharalaryn qaıta qarap jatqandyǵyn aıtyp ótti.

Belgili bolǵandaı, kóp uzamaı ol sharalar týraly mınıstrlik aıtpaq eken.

Svetlana Jaqypovanyń sózinshe, búginde kópbalaly otbasylar memleket tarapynan arnaıy járdemaqy men qosymsha tólem alady. Eger qandaı da bir otbasynyń jaǵdaıy tym nashar bolsa, olarǵa qosymsha áleýmettik kómek kórsetiledi eken.

-Bul máselege qatysty eshqandaı da daý shyǵarmaı jaýap bereıin. Qazir mınıstrlikte kóp balaly otbasylarǵa qoldaý kórsetý sharalary qarastyrylyp jatyr. Osy ýaqytqa deıin bul baǵytta eshqandaı da jumys jasalmady dep oılamańyzdar. Qazirgi tańǵa deıin qoldaý kórsetý jumystaryna baılanysty áleýmettik tekseris júrgizildi. Kez kelgen jaǵdaı fakt boıynsha dáleldenýi tıis, - deıdi vıse-mınıstr.

Jýrnalıserdiń «Mınıstr Ábilqasymovanyń ózi qaıda?» degen jaýabyna Svetlana Jaqypova:

«Ol ótken aptadan beri aýyryp jatyr, sondyqtan ýaqytsha demalysqa shyqty» - dep jaýap berdi.

Sondaı-aq, jýrnalıserdiń, búkil jurttyń kókeıinde júrgen suraq: «Áıel adamdar ne sebepti túngi aýysymda jumys isteıdi?» degen saýalǵa vıse-mınıstr esh qınalmastan:

«Bul áıelderdiń - óz tańdaýy» - dep jaýap berdi.

Usynǵan: Nazerke Labıhan