Tımýr Súleımenov byltyr 10 jyldyq ıpotekasyn qalaı japqanyn jáne ony jabýdyń ońaı sharýa emes ekenin aıtty dep jazady Qamshy.kz aqparat agenttigi. 

"Men jaspyn. Byltyr men 10 jyldyq ıpotekany tolyq tóledim. Ipotekany 2008 jyly aldym jáne bul óte qıyn. Men jastarǵa ıpoteka almas buryn óz múmkindikterin naqty eseptep alyńdar dep keńes beremin. Birinshiden sen bireýge táýeldi bolyp qalasyń. Orta jolda psıhologıalyq turǵydan sen qatty sharshaısyń. Sebebi ár aı saıynǵy jalaqyńnyń jartysynan kóbin ıpotekaǵa quıýyń kerek bolady. Sol sebepti jaldamaly páterge de basqasha kózqaraspen qaraǵan jón. Óıtkeni, seniń jumysyńa baılanysty bir kúni Atyraýda, birde Pavlodar nemese Almaty qalasynda bolýyń múmkin", deıdi mınıstr. 

Sondaı-aq mınıstr turǵyn úıdiń baǵasymen qatar sapasyna da kóńil bólgen durys dep esepteıdi. 

"Úıdiń sapaly salynǵanyna qaraý kerek, dybys ótkizbeıtin bolýy tıis. Sol sebepti baspana alǵanda tek ıpoteka baǵasyna qaramaý kerek", deıdi Súleımenov. 

Usynǵan: Ásel Bolatqyzy