Japonıada 36276 kisi júz jastan asqan. Jyl saıyn júzge tolatyndardyń sany 4000 adamǵa artyp otyrady. Kúnshyǵys elinde 20 myń qarıa júzge kelýine baılanysty Premer mınıstrden quttyqtaý hat pen kúmis kýbok syılyǵyn alady. Dúnıejúzi boıynsha ómir súrý uzaqtyǵy jóninen birinshi orynda turǵan Japonıada qarttardyń kóptigi keıbir saıasatkerlerine unamaıtyn kórinedi. Ǵasyrdan da uzaq jasaýshylar sanynyń artýy el ekonomıkasyna artyq júk dep esepteıtinder az emes. Japonıa bala týý kórsetkishiniń tómendigi turǵysynan sońǵy qatarda turǵan elderdiń biri. 1979 jylǵa deıin bala sany birqalypty bolyp kelgen Kúnshyǵys elinde bala týý kórsetkishi barǵan saıyn kemip barady. Statısıkalyq málimetterge súıensek, ár áıelge 1,3 baladan keledi eken. Iaǵnı, japon otbasynda bala sany ekeýden aspaıdy degen sóz.  Úılengenderdiń arasynda balaly bolýdan qashatyndary óte kóp. Japon áleýmettanýshylary 2020 jylǵa qaraı halyqtyń 60 paıyzyn qarttar quraýy múmkin dep qaýiptenýde.