Etnıkalyq qazaq Saıragúl Saýytbaı kúni keshe Abzal Quspannyń advokattaǵynan bas tartatyny týraly vıdeo málimdeme jarıalaǵan edi. Endigi ony Aıman Omarova qorǵaıtyn boldy. Osy ýaqytqa deıin túrli vıdeolar jarıalap, Abzal Quspanǵa renishin bildirip júrgen Saıragúl Saýytbaıdyń mundaı sheshim qabyldaýyna ne sebep boldy? Munyń jaýabyn burynǵy advokaty Abzal Quspannan da suraýdy jón kórdik. Advokattyń qorǵalýshysyna degen ókpesi qara qazandaı.
♦Saıragúl Saýytbaıdyń kúıeýi: Qytaıǵa qaıtarsa, ony ólim jazasyna kesedi
♦Halyqaralyq quqyq negizge alynyp, Saıragúl Saýytbaı bostandyqqa shyqty
«Jasyratyny joq, Sáýle (Ábildahanqyzy – red.) men Saıragúldiń jaǵdaıynda men tolyq Sáýleniń jaǵyndaǵy adammyn. Óıtkeni, Sáýleniń eńbegine, yntasyna kýámin. Eń bastysy, adamda kóńil degen bolady. Sáýleni jaqsy bilemin. Sol úshin kezinde Saıragúlge «munyń adamgershilikke jatpaıdy» dep renishimdi aıtqan edim. Ári ózine tikeleı «meniń advokattaǵymnan óziń bas tartpasań, men seni sońyna deıin qorǵaımyn» dedim. Biraq qatty renjigenimdi jasyrmadym. Soǵan baılanysty bolar dep oılaımyn, bilmeımin.
♦Saıragúl Saýytbaı: Abzal Quspannyń advokattyǵynan bas tartamyn (vıdeo)
Ózi maǵan esh ókpesi joq ekenin aıtty. Bastapqy kezderde "telefon kótermediń" dep renjigen. Sonda men Saıragúlge: «Kóz aldyńa elestetshi, qyzyń Úkiliaı o dúnıelik bolsa, eshteńe bolmaǵandaı jumys istep, telefonmen sóılesip otyra alasyń ba?» dedim. Al men Saıragúldiń bir de bir sotyna, bir de bir jınalysyna barmaı qalmaq túgili, keshigip te kórgen adam emespin. Bárin ýaqytyly úılestirip júrdim. Al qańtardyń 4 kúni respýblıkalyq kóshi-qon komıtetinen "qanaǵattandyrmaý" týraly jaýap aldym, osyǵan qatysty sotqa shaǵym jazbaq boldym. Aýyr qazaǵa tap bolǵanyma qaramastan, Saıragúldiń máselesi jóninde talap-aryz jazyp, sotqa tirkettim. Sol kezde ol halyqqa vıdeo málimdeme jasaıdy. Aıtqany – Abzal Quspan men habarlasqanda tutqany kótermedi. Árıne, ashýlandym. Sotqa daıyndap qoıǵan talap-aryzymdy ákeldim. Sonda Saıragúl keshirim surap, qaıtadan meniń qorǵaýymdy ótindi. Kelistim. Al negizi, qatty renjigenmin.
♦Túrmedegi Saıragúl Saýytbaı Elbasyǵa hat jazdy: Otbasymmen qaýyshqym keledi
15 aqpan kúni sot bolýy tıis. Endi qazaq degen kóńili ashyq halyq qoı, aýyr qazaǵa dýshar bolsań, kóńil shaıǵa shaqyrady. Sóıtip 12 aqpan kóńil shaıǵa baryp, dastarhan basynda otyrsam, Saıragúl habarlasty. Tutqany kóterip, keıin habarlasatynymdy, qolymnyń bos emestigin aıttym. Ol sot týraly surastyryp, habarlama jazyp jiberipti. Men 15 aqpan bolatynyn aıttym. Sóıtsem, "sot bolyp ketipti" deıdi, onda ekeýmiz de bolmadyq. Buǵan alańdaǵan men sot bóliminiń hatshysyna habarlasyp edim, ol «eshqandaı ózgeris joq, sot 15 aqpan bolady» dedi. Al men 14 aqpanǵa bılet alyp qoıǵan edim. Al ol keshe taǵy vıdeo jarıalap qoıypty. Taǵy renjidim. Keshe túski ýaqytqa deıin Saıragúlmen telefon arqyly sóılesip júrdim, oıymda eshteńe joq. Keshe Oraldan ushaqqa otyryp, Astanaǵa ushyp bardym, Astanadan tańǵy saǵat 4-te Almatyǵa ushyp keldim. Almatyǵa kelip, álgi vıdeony kórdim.
Bul – balanyń oıyny ma, álde kúrdeli oıyndar júrip jatyr ma, bilmedim. Meniń biletinim, men ashyq aýyz, ańqaý advokat ekenmin.
Amal joq, 3000 shaqyrym jerdi artqa tastap kelgen soń Taldyqorǵanǵa bardym. Bardym da, kózine týra qarap bárin aıttym. Maǵan talaby bar ma, aıtary bar ma, bárin suradym. «Joq» deıdi. Ashýlanamyn, árıne.
Sóıtip, jańa advokaty Aıman Omarovaǵa sáttilik tiledim de, qazir qaıtyp baramyn. Bul isti osymen támamdadym. Men oıynshyq emespin ǵoı.
Saıragúlge tilerim – tek qana sáttilik. Kúıeýiniń, balalary – Ulaǵat pen Úkiliaıdyń janynda qalyp, analyq meıirimin tóge berýine, Qazaqstanda qalýyna qashan da tilektespin», - dedi Abzal Quspan Qamshy.kz aqparat agenttiginiń tilshisine.
♦Abzal Quspan Saıragúl Saýytbaıdyń isine qatysty: Kúdikten úmit basym
Aıta keteıik, «Shekaradan zańsyz ótti» dep aıyptalǵan etnıkalyq qazaq Saıragúl Saýytbaı 2018 jyldyń 1 tamyzy sot zalynan bosatyldy. Oǵan deıin Saıragúl Saýytbaıǵa Qazaqstan Qylmystyq kodeksiniń 392 - baby shekarany zańsyz buzyp ótý boıynsha aıyp taǵylǵan.
♦Halyqaralyq quqyq negizge alynyp, Saıragúl Saýytbaı bostandyqqa shyqty
