Parlament Májilisiniń depýtaty,  burynǵy Eńbek jáne halyqty áleýmettik qorǵaý vıse-mınıstri Nurjan Áltaev "bir balany baǵýǵa aıyna 20 myń teńge jetkilikti" degen sózin túsindirdi, dep habarlaıdy Qamshy.kz aqparat agenttigi Tengrinews.kz saıtyna silteme jasap.

"20 myń teńge somasy aıtylǵanda, Astanada analardyń áleýmettik járdemaqyny ár balaǵa 20 myń teńgege kóterý talaby eske tústi. Qarjy mınıstriniń pikirin bilesizder, bul máseleni komısıa qarap jatyr. Sondyqtan osy járdemaqy birden esime tústi. "Únemdep jaratsa, bul qarajat jetkilikti bola ma?" degen oı keldi. Bes balanyń ákesi retinde 100 myń teńge qosylyp otyrsa, bul otbasylyq búdjetke jaqsy kómek bolar edi. Osyndaı oı bolǵan", - dedi Áltaev.

Januıasy jaıly sóz qozǵaǵan ol áıeliniń dekret demalysynda ekenin aıtty.

♦Depýtat: Bir balaǵa 20 myń teńgeni jetkizýge bolady

"Kenje balamyz áli emizýli. Men tabys jaǵyn oılaımyn. Aqsha jetpeı jatatyn da kezder bolady, bul barlyq otbasynda bolatyn jaǵdaı. Óz búdjetińdi esepteýiń kerek. Bul jaǵdaıda kóbine otbasylarda áıelder pysyq keledi, biz de de solaı. Al meniń mindetim – aqsha tabý. Áıelim bul máselege muqıat qaraıdy, qaıda ári qalaı jaratý kerek ekenin biledi", - dedi Áltaev. 

"Áıelim sizderge suhbat berse, naqtyraq túsindirer edi. Meniń mindetim - tabý. Bes balanyń ata-anasy atansaq, biz olarǵa jaýaptymyz. Men er adam retinde kóbirek jaýapkershilik arqalaımyn", - dedi depýtat. 

Ol jumysynyń kóptigine baılanysty qonaqqa sırek baratynyn aıtty. 

"Bárin esepteımiz, komýnaldyq qyzmet aqysy otbasy búdjetiniń birshama bóligin jumsaýǵa ketedi. Ár bólmedegi jaryqty óshirýge tyrysamyz, sýdy bosqa aǵyzbaımyz, azyq-túlikti bazardan arzanyraǵyn alamyz", - dep bólisti otbasy búdjetin únemdeý jolyn depýtat. 

Eske salaıyq, burynǵy Eńbek jáne halyqty áleýmettik qorǵaý vıse-mınıstri Nurjan Áltaev taıaýda ǵana Parlament Májilisiniń depýtaty bolǵan edi. Ol Aýyl sharýashylyǵy máseleleleri boıynsha komıtet quramyna endi.

Usynǵan: Nazerke Labıhan