Taldyqorǵanda gazdan ýlanyp, 3 adam qaıtys boldy. Qaıtys bolǵandardyń qatarynda 3 jasar bala da bar. Sondaı-aq 8 jastaǵy bala jansaqtaý bóliminde jatyr dep jazady Qamshy.kz aqparat agenttigi sputniknews.kz saıtynyń deregin negizge alyp. 

Qaıǵyly oqıǵa 15 aqpannyń túninde oryn alǵan. 

"Búgin túnde 1947, 1966 jylǵy eresek adammen 2015 jylǵy bala gazdan ýlanyp qaıtys boldy", dep habarlady Ǵalymurat Júkel. 

Onyń aıtýynsha, tótenshe jaǵdaıdan keıin zardap shekken 8 jastaǵy bala qazir jansaqtaý bóliminde. Sondaı-aq Ǵalymurat Júkel atalmysh otbasynyń jaǵdaıy tómen otbasylardyń tiziminde joq ekenin eskertti. 

Buǵan deıin ınspektorlar tekseris kezinde jalǵa berip otyrǵan úıdiń ıesine órt qaýipsizdigine baılanysty qaǵaz júzinde eskertý jasaǵan. Alaıda úı ıesi bul eskertýge mán bermegen. 

Almaty oblysynyń ákimdiginiń habarlaýynsha, jerleý rásimin Taldyqorǵan ákimshiligi ótkizedi. Al aman qalǵan 8 jastaǵy qyzǵa zań júzinde barlyq kómek kórsetiletin bolady. 

Aýdarǵan: Ásel Bolatqyzy