№26 mekteptiń oqýshysy 7 qabattan sekirip, kóz jumdy dep habarlady “Moı GOROD” portalynyń tilshisi.
Internet blogerleri atalmysh jaǵdaı tóńireginde kóp pikirler qaldyrdy. Keıbireýler qyzdyń ózine qol jumsaýyna UBT-nyń synama testin sátsiz tapsyrýy sebep boldy degen boljamdaryn aıtýda. Al mektep qyzmetkerleri qyzdyń qaza bolýyna synaqtyń esh qatysy joqtyǵyn alǵa tartty.
Polısıa tergeý amaldaryn bastady. İİD boıjetkenniń ózine qol jumsamas buryn hat jazyp qaldyrǵanyn málimdedi.
“Qazir barlyq boljamdar tekserilýde. Qyzdyń hatta ne jazyp ketkenin etıkaǵa qaıshy keletindikten aıta almaımyz”, – dedi Aqtóbe oblysy İİD baspasóz-qyzmetiniń basshysy Ardager Ýaıdın.
