Bul týraly búgin Ortalyq komýnıkasıalar qyzmetinde ótken brıfıńte aıtyldy. İs-shara barysynda partıa Tóraǵasynyń Birinshi orynbasary atalǵan áleýmettik terezeniń qyzmeti jaıynda keńinen aıtyp berdi.
Óz sózinde Máýlen Áshimbaev elimizde Elbasynyń tapsyrmasymen áleýmettik salany damytý maqsatynda aýqymdy jumystar atqarylyp jatqanyn aıtty. Sonymen qatar, ol halyqqa kórsetilip kele jatqan memlekettik áleýmettik kómek túrlerine nazar aýdardy.
– Memleket basshysynyń bes áleýmettik bastamasy men sońǵy Joldaýynda da halyqtyń ál-aýqatyn jaqsartyp, turmys sapasyn arttyrýǵa basymdyq berilgeni belgili. Atap aıtqanda, Joldaýda Elbasy baspananyń qoljetimdiligin qamtamasyz etý, tarıfterdi shekteý, eń tómengi jalaqy kólemin ósirý, medısınalyq qyzmet sapasyn arttyrý jánetaǵy basqa da naqty máselelerge nazar aýdaryp, tıisti tapsyrmalar berdi. Búginde sol baǵyttar boıynsha memlekettik organdar júıeli jumys júrgizýde, – dedi Máýlen Áshimbaev.
Halyqtyń osyndaı aýqymdy jumystardyń ıgiligin kórýi úshin olarǵa memlekettik qoldaýlar týraly aqparatty jetkizýdiń mańyzy zor. Osy maqsatta «Nur Otan» partıasytyń bastamalardy qolǵa alyp otyr. Solardyń biri Biryńǵaı áleýmettik terezeler.
– Búginde kóptegen qazaqstandyq otbasylardyń zań boıynsha ózderine tıesili kómekti ala almaı otyrǵanyn kórip otyrmyz. Sol sıaqty jergilikti atqarýshy organdar tarapynan da beriletin kómekten qaǵylyp otyrǵan otbasylarbar. Oǵan búrokratıalyq keleńsizdikterden bastap, jaı ǵana bilmeý máselelerine deıingi túrli jaıttar sebep. Sondyqtan, partıa atalǵan Keńes aıasynda elimiz boıynsha Biryńǵaı áleýmettik tereze jobasyn qolǵa aldy. Bul joba partıanyń qoǵamdyq qabyldaý bólmeleri arqyly qyzmet kórsetedi. Ol jerde kóp balaly jáne az qamtylǵan otbasylar men muqtaj azamattar memleket pen jergilikti búdjetten beriletin ózderine tıesili áleýmettik kómekter týraly naqty keńester alýǵa múmkindik bar. Bizdiń qyzmetkerlerimiz tek aqparat berip qana qoımaı, istiń sońyna deıin jetkizilýin qadaǵalaıdy, – dedi «Nur Otan» partıasy Tóraǵasynyń Birinshi orynbasary.
Qazirgi tańda partıanyń elimiz boıynsha 230-ǵa jýyq qabyldaý bólmesi bar. Iaǵnı, atalǵan áleýmettik tereze solardyń barlyǵynda ashylady. Onda kóp balaly analardy jumyspen qamtý, qaıta oqytý, balalardy balabaqsha men mektepterge ornalastyrý, zańgerlik keńester sıaqty basqa da kóptegen qoldaýlar men qyzmetter kórsetiledi.
Sonymen birge atalǵan áleýmettik terezeler arqylymuqtaj jandarǵa kómekteskisi keletin úkimettik emes uıymdar men kásipkerlerge de mol múmkindikter týmaq. Naqty aıtqanda, partıanyń qabyldaý bólmelerinde kómekke zárý otbasylardyń tizimi jasaqtalady. Sol arqyly qaıyrymdylyq jasaǵysy kelgen azamat tikeleı muqtaj otbasylarǵa kómektesýge múmkindik alady. Ol úshin qarjyny arnaıy qorǵa nemese basqa jerge aýdarýdyń qajeti joq. Partıa bastamashy bolǵan Biryńǵaı áleýmettik terezelerdiń qyzmeti memlekettik organdarmen, ákimdiktermen jáne úkimettik emes uıymdarmen birlesip júzege asyrylatynyn da atap ótken jón.
İs-shara barysynda «Baqytty otbasy» partıalyq jobasynyń qaıta jandanatyny týraly da aıtyldy. Solarqyly memlekettik organ ókilderi men nurotandyqtar árúıdi aralap, kómekke muqtaj otbasylar men zorlyq-zombylyqqa ushyraǵan balalar týraly málimetter jınaqtaıdy.
