Aqmola oblysynyń Arshaly aýdanyndaǵy Vácheslav mektebinde qýat kózderiniń tıimdiligin engizý negizderiniń biri retinde  «Jasyl tehnologıalar» is júzinde júzege asyrylýda. Mektep irgesinde jer telimi, tamshylatyp sýarylatyn tehnologıaly jylyjaı,  sý jylytatyn kún batereıalary, ǵımaratty jylytýǵa arnalǵan pırolızdik pesh, jaryq dıodty jaryqtandyrý jáne taǵysyn-taǵylar bar. Al endi ózderiniń «EKSPO Baq» alma baǵy paıda boldy... «Aldymyzda turǵan «EKSPO-2017» kórmesiniń eń basty tapsyrmalarynyń biri - Bolashaq energıasy ekenin biz bilemiz. Al bul degenińiz alǵashqy kezekte árıne, aýany tazartý, klımatty ózgertý jáne t.b., ıaǵnı Vácheslav mektebiniń júzege asyryp jatqandary. Bul jerde eń ozyq tehnologıalar, sonyń ishinde, adamdardyń turmysyna tikeleı baılanysty eko-tehnologıalar da bar» - dep baqty otyrǵyzý jerin tańdaý sebebin túsindirdi «Astana EKSPO-2017» ulttyq kompanıasynyń basqarýshy dırektory Saltanat Rahymbekova. Óz alma aǵashyn otyrǵyzýǵa kelgen qonaqtardyń arasynda tyl eńbekshileri, Arshaly aýdanynyń qurmetti azamattary, Ulybrıtanıanyń Qazaqstandaǵy elshiliginen kelgen qonaqtar, Parlament depýtattary, Arshaly aýdanynyń ákimshiligi, áskerı adamdar jáne t.b. «Jalpy alǵanda, Uly jeńistiń 70 jyldyǵy qurmetine 70 alma aǵashy otyrǵyzyldy. Keleshekke EXPO-2017 kórmesinen erekshe mura retinde ár kóshetke bir-birden bastaýysh synyp oqýshysyn – aǵashtyń kishkentaı qorǵaýshysyn bekitip qoıdyq», - dedi mektep dırektory Tatána Nemsan. Oqýshylardyń sózderine qaraǵanda, bul baq ta mekteptegi basqa kóshetter tárizdi tamshylatyp sýlaý tehnologıasymen sýarylatyn bolady. «Biz jasyl eonomıkany unatamyz jáne tájrıbege jeti ozyq tehnologıa engizip úlgerdik. Jaqynda jer qurylymyn nasharlatpastan qajet tereńdikte, birqalypty ylǵaldandyryp, ár-túrli sýarý mólsherlerin birshama dál ustaýǵa múmkindik beretin jaýyn qondyrmasyn paıdalanýdy bastadyq. Kim biledi, bálkı kórmeniń ashylýyna qaraı bul jas kóshetterdiń almasynyń dámin de tatarmyz», - deıdi tamshylatyp sýarý qoldanylatyn jertólelik gıdropondyq fıtodıodtyq jylyjaı jobasynyń avtory Tańat Aspanǵalıev. Shara sońynda merekelik konsert qoıyldy, ystyq baýyrsaqtarmen qyr dastarqany jaıyldy, Jeńistiń 70 jyldyǵy qurmetine birneshe dúrkin áýege oq atylyldy jáne Vácheslav mektebiniń oqýshylaryna «Ekspo Baǵynyń saqtaýshy» sertıfıkaty saltanatty túrde tabys etildi. Uıymdastyrýshylary: «Astana EKSPO-2017» ulttyq kompanıasy, «Jasyl ekonomıkany» qoldaý jáne G-Global-dy damytý koalısıasy, Ulybrıtanıanyń Qazaqstandaǵy elshiligi, G-GLOBAL Halyqaralyq hatshylyǵy, «Aqbota» qoǵamdyq qory jáne «Turaqty damý» Jer qory.