Májilis Tóraǵasy Nurlan Nyǵmatýlın Aýstrıa Respýblıkasyna alǵash ret resmı saparmen bardy, dep jazady Qamshy.kz aqparat agenttigi.

İs-sapar barysynda N.Nyǵmatýlınniń Aýstrıa Parlamenti Ulttyq Keńesiniń Tóraǵasy V.Sobotkamen kelissóz júrgizýi josparlanǵan. Sonymen qatar, Aýstrıa Parlamenti Federaldyq Keńesiniń basshysy I. Appemen, EQYU qazirgi Tóraǵasy M. Laıchakpen jáne EQYU Parlamenttik Assambleıasynyń jetekshisi G. Seretelımen kezdesýleri qarastyrylǵan.

Sondaı-aq, Nurlan Nyǵmatýlın Eýropadaǵy qaýipsizdik jáne yntymaqtastyq uıymy Parlamenttik Assambleıasynyń qysqy sesıasynda sóz sóıleıdi dep kútilýde. Assambleıa Eýropanyń, Azıanyń jáne Soltústik Amerıkanyń 57 eliniń 300-den astam  Parlament ókilderin biriktiredi.

Sesıa barysynda Májilis Tóraǵasynyń birqatar ekijaqty kezdesýleri josparlanǵan.