Almaty qalasy ákiminiń esep berýi 3 saǵatqa sozyldy. Jergilikti turǵyndar Baýyrjan Baıbekke ómir sapasyn kóterý jóninde túrli suraqtar qoıdy, anyǵy suraqtardy jańbyrsha jaýdyrdy.

Almaty ákimi turǵyndardyń barlyq suraǵyna laıyqty jaýap berdi. Eshkimdi nazardan tys qaldyrmady.

Mıkrofon taǵy bir turǵynǵa berilgende álgi adam ákimdi maqtaı jóneldi. Ol – Almaty qalasynda burynnan turyp jatqan aqsaqal edi.

Ákim sóılep turǵan aqsaqaldy toqtatyp: «Naqty suraq qoıyńyzshy, ótinemin», - dedi.

Alaıda aqsaqal ákimniń sózin qulaǵyna da ilmeı, sózin jalǵastyra berdi.

«Qurmetti Baýyrjan Qydyrǵalıuly! Siz óz jumysyńyzdy keremet atqaryp kelesiz. Sizge batamdy bereıin, balam. Suraq qoıýdy osymen doǵaraıyq», - dedi aqsaqal.

Al Baıbek aqsaqaldan «taǵy birneshe turǵynǵa suraq qoıýǵa múmkindik bereıik» dep ótindi.

Osymen ákimniń esep berýi aıaqtaldy.

Usynǵan: Gúlim Jaqan