Jambyl oblysy Qordaı AİİB polısıasynyń ýchaskelik ınspektory Vladıslav Kryjkonyń óz-ózine qol jumsaý faktisi boıynsha qylmystyq is qozǵaldy, dep habarlady oblystyń İİD baspasóz qyzmetiniń basshysy Gúlsara Muhtarqulova.
«Polısıa maıory Vladıslav Kryjkonyń óz-ózine qol jumsaý faktisi boıynsha qylmystyq is qozǵaldy, tergeý jumystary júrgizilip jatyr. Qazirgi tańda qylmystyq is oblystyń İİD tergeý basqarmasynyń óndirisine qabyldandy. Oqıǵanyń sebepterin anyqtaý úshin Qordaı aýdanyna oblystyq ishki ister departamentiniń jedel-tergeý toby jiberilgen», – dedi Muhtarqulova sársenbide agenttikke.
Bul rette, onyń aıtýynsha, tolyq aqpar tergeý aıaqtalǵannan keıin ǵana beriledi.
Sonymen qatar, jaqynda marqumnyń áıeli Elena Kryjko YouTube beınehostınginde Qazaqstan prezıdenti Nursultan Nazarbaevtyń joldasynyń qazasyna baılanysty tergeý jumystaryna yqpal etýin suraǵan.
«Prezıdent Nursultan Ábishuly Nazarbaevtan osyndaı zańsyzdyq oryn alyp otyrǵan Baımuhambetov (AİİB bastyǵy Bahyt Baımuhambetov –QazTAG) jáne onyń orynbasary Jaılaýbaev (bastyqtyń orynbasary Muhtar Jaılaýbaev – QaztAG) basqaryp otyrǵan Qordaı AİİB-ne ádil tekserý júrgizý men kinálilerdiń jazasyn berýge yqpal etýińizdi suraımyn», – delingen Kryjkonyń beıne ótinishinde.
Marqumnyń joldasy habarlaǵandaı, ınspektor 2015 jyldyń 28 sáýirinde aǵashqa asylyp turǵan jerinde tabylǵan.
