"Elimizge sırk qajet emes!". Sońǵy ýaqytta qoǵam belsendileri osylaı dabyl qaǵýda. Jurt janaıqaıyn áleýmettik jelige júktep jarysýda. Sebebi, jan-janýarlar sahnada óte ıkemdi ári aqyldy kóringenimen, olardy baýlý kezinde ábden taıaqqa jyǵylady. Tipti, sahnanyń ózinde ártister taıaqshalarynyń basyndaǵy ınemen túrtip, úrkitetin kórinedi. Osylaısha, qajetti áreket-qımyldardy jasatady eken. Qazir qoǵam belsendileri "janýarlardy qınaý, obalyna qalý – qıanat" dep jarysa jazyp, sırktiń asa qajet emestigin aıtýda. Bul týraly Eýrazıa birinshi arnasy habarlaıdy.

Haıýandardy  aıaýsyz qınaǵan jattyqtyrýshylardyń adam shoshyrlyq áreketterin aıtyp, kópshilik jelini toltyrýda. Olar  "sahnanyń bergi jaǵyndaǵy kórinis pen arǵy jaǵyndaǵy jaǵdaı úılespeıdi. Bári tek – aqsha tabýdyń amaly"  dep ashynýda.

«Menińshe, sırkti bir jańaǵy jarty saǵattyq, bir saǵat lázzát úshin janýarlardy qınap esh qajeti joq dep oılaımyn», dedi biri.  "Joq, durys dep oılamaımyn. Sahnaǵa deıin olardy qınaıdy», dedi taǵy biri.

Astanalyq sırktiń ártisi Áıgerim Tilegenova qańqý sózge ermeý qajettigin aıtady. Sebebi, "taıaqqa jyǵylǵan taǵy eshqashan da úıretýshige ilespeıdi. Onyń kórsetken ádis-tásilderin qaıtalaýy da qıyn" deıdi. 

«Bul janýarlardy biz qor qylyp jatqan joqpyz.  Sırk álemindegi adamdar – eń janashyr adam. Bul jerde syrtta shýlap júrgen halyq emes", - dedi Áıgerim Tilegenova. 

Al,mamandardyń sózinshe, "jergilikti sırkte janýarlarǵa barlyq jaǵdaı jasalǵan. Jylyna olardan eki ret qan alynyp, 7 aýrý túrine tekseriledi eken. Sebebi, álem sahnalarynda óner kórsetetin janýarlar bar. Sondyqtan, túz taǵylaryna esh qaýip joq, al olardy taıaqqa jyǵý shyndyqqa janaspaıtyn áńgime" - dep sendiredi.

"Mindetti túrde ekpe salynady. Janýarlardy jylyna eki ret. Bizdiń janýarlar shetelge de aparylady. Shetelge shyqqan kezde barlyq MEB deıdi. Mejdýnarodnyı epızodıcheskıı búro. Barlyq janýarlardy tekserip, qadaǵalap otyratyn úlken veterınarlyq uıym bar.

Búginde qoǵam belsendileri "elimiz sırkten bas tartý kerek" degen pikirdi jıi kóterip júr. Oǵan sebep kóp. Olardyń sózinshe, jan-janýarlardy úıretý kezinde uryp-soǵý kóbeıgen. Qazir álemde sırk alańynda janýarlardy qoldanýdan bas tartqan 50 memleket bar. Máselen, pildiń salmaǵy 4-tonnany quraıdy. Eger janýardy uratyn bolsańyz, mindetti túrde ózińiz zardap shegýińiz múmkin", dedi "Astanalyq sırktiń" bas veterınar dárigeri Nurlan Qasembaev.

Astanalyq sırkti 8 jyl boıy basqaryp kele jatqan  belgili akter Erik Joljaqsynov "haıýandarsyz óner kórsetýdi kózge elestetý múmkin emes" degen pikirde. Sebebi "kóneden tamyryn keń jaıǵan ilkimdi is balalar úshin taǵylymdy dúnıe.Olardy uryp-soǵý bos áńgime"- deıdi.

«Sırkte jan-janýarsyz árıne qıyn bolady da. Óıtkeni búgingi bolyp jatqan bizdiń negizgi maqsatymyz – bala-shaǵany tárbıeleý. Sony kórip kishkentaı balada súıispenshilik paıda bolady. "Janýarlardy soǵady" deıdi. Men 8 jyl boldy, bir janýardy soqqanyn kórgen emespin», dedi "Astanalyq sırk" dırektory Erik Joljaqsynov.

Al, qoǵam belsendileri janýarlardy uryp-soǵyp úıretý qaı jerde de bar ekenin alǵa tartyp otyr. "Túzde erkin júrgen taǵylardy torda qamap ustaý da qatygezdik. Tar qapastaǵy ańdarǵa tipti obal" - deıdi olar. Sondaı-aq, akrobattar men janýarlardyń bıikke órmeleýi sıaqty qaýipti túrkter kórermenge tek qorqynysh syılaıdy. Odan halyqta kúızelis paıda bolady -deıdi.

«Qazir zaman ózgerdi. Tehnologıa damydy. Osyǵan saı adamdardyń da sanasy kóp ózgergen, jetilgen. Qazir balalardyń ózi qazir ony kórýden qalyp bara jatyr. Óıtkeni sırktiń kórsetetin túrli sıqyrlary, fokýstary eshkimdi nandyra almaıdy. Oǵan 5 jastaǵy bala da senbeıdi», - deıdi qoǵam qaıratkeri Qýandyq Shamahaıuly.

Qoǵam qaıratkerleriniń oıynsha,búginde sırkten kórermen jyraqtap barady. Sondyqtan, bul óner salasynyń shyǵyny taýdaı bolǵanymen, ózin-ózi múldem aqtamaıdy. Búdjettegi qarajatty qur ketirmes úshin salaǵa tyń reformalar qajet. Dese de, ónerde qatygezdiktiń bolýynyń ózi qatelik deıdi.