Qazaqstanda Sıfrlyq damý, qorǵanys jáne aeroǵarysh ónerkásibi mınıstrligi quryldy. Tıisti jarlyqqa Nursultan Nazarbaev búgin qol qoıdy, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

"Qazaqstan Respýblıkasynyń Qorǵanys jáne aeroǵarysh ónerkásibi mınıstrligi, oǵan Qazaqstan Respýblıkasynyń Aqparat jáne komýnıkasıalar mınıstrliginen baılanys, aqparattandyrý, «elektrondyq úkimet», memlekettik qyzmetterdi kórsetý salasyndaǵy memlekettik saıasatty damytý salasyndaǵy fýnksıalary men ókilettikteri berile otyryp, Qazaqstan Respýblıkasynyń Sıfrlyq damý, qorǵanys jáne aeroǵarysh ónerkásibi mınıstrligine qaıta qurý jolymen qaıta uıymdastyrylsyn", - delingen jarlyqta.

Memleket basshysynyń jarlyǵymen qorǵanys jáne aeroǵarysh ónerkásibi mınıstrligi sıfrlyq damý, qorǵanys jáne aeroǵarysh ónerkásibi mınıstrligi bolyp qaıta uıymdastyryldy.

Oǵan aqparat jáne komýnıkasıalar mınıstrliginen baılanys, aqparattandyrý, "elektrondyq úkimet", memlekettik qyzmetterdi kórsetý salasyndaǵy memlekettik saıasatty damytý salasyndaǵy fýnksıalary men ókilettikteri berildi.

Usynǵan: Nazerke Labıhan