Qaraǵandyda jan túrshigerlik adam ólimi boldy, - dep habarlaıdy "Novyı Vestnık". Basylymnyń málimetinshe, 9 mamyrda jergilikti mektepterdiń biriniń aýlasynan bólshektenip tastalǵan qyzdyń denesi salynǵan shabadan tabyldy.
Polıseıler ólgen qyzdyń kim ekenin anyqtady. Ol 25 jastaǵy jergilikti turǵyn Aıaýly Súleımenova bolyp shyqty. 6 mamyrda qyzdyń joǵalǵandyǵy týraly onyń týystary áleýmettik jeli arqyly habarlap, kómek suraǵan bolatyn. "Týysqan qyzymyz joǵalyp ketti! Ony bireýlerdiń ustap otyrǵandyǵy týraly aqparat bar. Degenmen, qaı jaqta, ne úshin ekenin bilmeımiz. Bizge kómektese alatyn erikti adamdar kerek. Kóligi bolsa tipti jaqsy, izdeýge qatysty kez kelgen kómekti qabyldaımyz", - delingen WhatsApp arqyly taratylǵan habarlamada.
Qyzdy ózimen birge páter jaldap turǵan jigit sońǵy ret ony tirideı kórgen. 20 jastaǵy jigit (Traev. E.A 1995 jyly týylǵan) Aıaýlyny óltirgen bolýy múmkin. Ólgen qyzdyń týystary osy jigitti Aıaýlynyń ólimine qatysy bar dep sanaıdy.
Basylymnyń habarlaýynsha, Súleımenovanyń páterinen óziniń paıyzdyq ústememen qaryzǵa aqsha alǵan adamdarynyń tizimi tabyldy. Qazir qylmystyq istiń mán-jaıy anyqtalyp jatyr.
Keıbir aqparattar boıynsha, Aıaýlynyń artynda kishkentaı uly qaldy.
kaz.tengrinews.kz
