Jaz ben kúz mezgili kele salysymen adamdardyń kóbi alergıa aýrýynan japa shege bastaıdy. Mundaı aýrýdan aıyǵý ońaıǵa soqpaıdy.

Mezgildik alergıa biraz mazańyzdy alýy múmkin.

Alaıda halyq arasynda alergıany emdeýdiń birneshe joldary bar.

Baldyrshóp (seldereı) - alergıany emdeýge taptyrmas dári bola alady. Jarty lıtr araqqa 10 shaı qasyq baldyrshópti salyp, bir apta qoıady. Sodan soń emdik retinde kúnine úsh retten, sýmen ezip, 15-20 tamshydan qabyldaıdy. Alaıda balalardaǵy alergıany araqpen emes sýdyń ózimen nemese ár tamaq ishken saıyn baldyrshópti qosyp berse nátıje berýi múmkin.

Tasdári (mýmıe) Tasdárimen alergıadan aıyǵý úshin onyń joǵary sapalysyn tańdap alý qajet. Ol úshin 1 gram tasdárini bir lıtr sýǵa salyp eritedi. Joǵary surypty tasdári sýǵa salǵan ýaqytta erip shyǵa keledi. Sóıtip sýdyń túsi birden qaraıady. Mundaı sýsynnyń 100 ml kúnde tańerteń sútpen birge ishý kerek. Al, 1-3 jas aralyǵyndaǵy balalarǵa 50 ml, 4-7 jastaǵy balalarǵa 70 ml ishýge bolady. Tasdárimen kóktem jáne kúz aılarynda emdelgen tıimdi. Emdelýdi 20 kúnge deıin sozýǵa bolady.

Ósimdiktermen bulaý qabyldaý. Shópterden daıyndalǵan bulaýdy qabyldaý úshin birinshi tunba daıyndap alamyz. Oǵan túrli shópterden birdeı mólsherde 10 qasyqtan salyp shyǵady. Mysaly, ıtoshaǵan, súıelshóp, shaıqýraı, dárihanalyq túımedaq gúli men jalbyzdy jáne dárilik shúıginshópti alamyz. Osy shópterden joǵaryda aıtqandaı etip tunba daıyndap, onyń 5 qasyǵyn bir lıtr qaınaǵan sýǵa qosamyz. Tunbany 10 mınýt qaınatyp, jarty saǵatqa qoıý qajet. Sosyn osy tunbamen bylaý qabyldaı berýge bolady. Mundaı bulaýdy 2-3 kún saıyn 10 mınýttan qabyldaıdy.

Ittiken. Alergıany ıttikenmen qaıtarý úshin baq-baq pen ıttiken tamyryn alyp, ekeýin de ezedi. Sóıtip 3 staqan sýǵa 2 as qasyq shópterdiń qospasyn aralastyrady. Bulaısha daıyndalǵan tunbany bir túnge qaldyrý kerek. Al, tańerteń tunbany 10 mınýttaı qaınatyp, sýytyńyz. Sosyn jarty staqannan tamaqqa deıin kúnine 4-5 ret ishýge bolady.

Itoshaǵanmen emdelý.  Itoshaǵanmen alergıany emdeý uzaqqa sozylady. Biraq túbinde bul aýrýdan aıyqtyrady. Itoshaǵannan daıyndalǵan tunbany tek jańa daıyndalǵan kezinde shaı men kofeniń ornyna iship otyrý qajet. Ony daıyndaý úshin ıtoshaǵan shóbin 20 mınýt demdep qoıady. Sol kezde demdelgen shaıdyń túsi sarǵysh tartýy kerek. Emdelý ýaqyty - bir jyl.

Dárigerlerdiń aıtýynsha aǵzadaǵy alergıalyq mıkrobtar eń kóp shoǵyrlanatyn organdar: muryn, qulaq, kóz. Olar adamnyń eń názik jasýshalary ornalasqan jerleri. Óz betinshe em-dom qabyldaımyn dep juqa teri plazmasy kúıip qalýy múmkin. Al, emdelmeı júre berse alergıa órship, mıkrob kóbeıe túsedi. Sonymen qatar, aǵzadaǵy mıkrobty jeńý úshin ımýnıtetti nyǵaıtý qajet. Imýndyq júıeniń kúshti bolýyna ásr etetin dárýmenderdi jıi qabyldaǵan jón.

Usynǵan: Ásem Merekeqyzy