Ózimizdi adam dep atap, máz bolyp júrgenimizben, kúndelikti kúıbeń tirshiligimizde jasap júrgen olqylyqtardy baıqamaımyz. Solardyń keıbirin oqyrman nazaryna usynady Qamshy.kz aqparat agenttigi.

Adam duǵa jasaýǵa 10 mınýtyn kóp kóredi, biraq bir kıno nemese fýtbol oıynyn qaraýǵa 1,5 saǵattyń ózi az sıaqty kórinedi.

Adam bireýden estigen ósekke tez senip qalady, biraq týralyǵy kúmán keltirmeıtin keı nárseni moıyndaǵysy kelmeıdi.

Adam bir saǵatyn ǵıbadat jasap, meshitte ótkizse, ol ýaqyt toqtap qalǵandaı bolady, biraq teledıdar ne kompúter aldynda qansha saǵat otyrsa da ýaqyttyń zymyraǵanyn sezinbeıdi.

Adam bir kúni shirip ketetin denesin jaqsy halde saqtaý úshin ne jegenin qadaǵalap júredi, biraq eshqashan shirimeıtin rýhyna esh kútim jasamaıdy.

Adam konsertke barsa, eń aldyńǵa qatarǵa otyrýǵa tyrysady,biraq meshitte ,namazdan keıin tez shyǵyp keteıin, dep, eń sońyna otyrýǵa tyrysady.

Adam ǵıbadat jasaǵan kezde dúnıeni, baılyqty kóp oılaıdy, biraq dúnıeni jıyp júrgende Alla týraly esh oılamaıdy.

Adam "bir aıat nemese hadıs jattaýǵa qıyn" deıdi, biraq úzdik 10 ánniń sózin jatqa biledi.

Adam dinı áńgimeni tyńdaýǵa, aıtýǵa qyzyqpaıdy, biraq ósek sózdi tyńdap, basqaǵa aıtýdan eshqashan jalyqpaıdy.

Adam jánnatqa barýdy armandaıdy, biraq ol úshin eshnárse jasaǵysy kelmeıdi. 

Adam "anasynyń aldyndaǵy mindetin óskende oryndaımyn" dep oılaıdy, biraq ár kún saıyn ósetinin ańǵarmaıdy.

...Mine, osylardyń ornyn paıdaly ispen toltyrsaq eken!