Megapolıste naýqastarǵa 709,7 mln teńgege 107 donorlyq organdar (baýyr men búırek) salynǵan

Bul týraly óńirlik komýnıkasıalar qyzmetindegi baspasóz konferensıasynda medısınalyq saqtandyrý qorynyń Almaty qalalyq fılıalynyń dırektory İlıas Muhamedjan málimdedi.

2024 jyly Almaty qalasynda tek kardıohırýrgıalyq otalarǵa 18,6 mlrd teńge baǵyttaldy. Barlyǵy 6805 ota jasaldy, onyń árqaısysynyń ortasha quny - 2,7 mln teńge. Sonymen qatar, qalada 8 mlrd teńgege 4521 neırohırýrgıalyq ota, 7 mlrd teńgege jambas jáne tize býyndaryn aýystyrý boıynsha 4593 ota júrgizilgen. Sondaı-aq, neıro-qan tamyr jáne qan-tamyr júıesine jasalǵan 5 045 otaǵa Qor 6,7 mlrd teńge tóledi. Sonymen qatar, jalpy quny 709,7 mln teńgege naýqastarǵa 107 donorlyq organdar (baýyr men búırek) salynǵan, - dedi İlıas Muhamedjan.

Eń qymbat otalardyń qataryna júrekke qosymsha qoldaý kórsetetin qurylǵyny ornatý (77,5 mln teńge), júrektiń mıtraldy qaqpaqshasyn almastyrý (17 mln teńge) jáne alogendi gemopoetıkalyq diń jasýshalaryn almastyrý (16,9 mln teńge) kiredi. Bul ota túrleriniń barlyǵy MÁMS júıesi arqyly qarjylandyryldy.