26 jastaǵy áıeldi aıaýsyz óltirip, denesin bólshektep tastaǵan qylmysker quryqtaldy dep málimdedi aýdannyń İİD baspasóz qyzmeti. “9 mamyrda Qaraǵandyda jedel tergeý jumystary júrgizilip, 23 jastaǵy Qaraǵandy oblysynyń turǵyny quryqtaldy. Qylmysker óz kinásin moıyndady”, — dep jazylǵan dúısenbi kúngi İİD habarlamasynda. Belgili bolǵanlaı, 9 mamyrda Qaraǵandynyń Qazybek bı aýdanyndaǵy jylý trassalarynyń kolektorynda 26 jastaǵy áıeldiń máıiti tabyldy. Áıel 6 mamyrdan beri iz-tússiz joǵalyp, izdeýge alynǵan bolatyn. “Kúdikti áıeldi urys-keris barysynda óltirgenin aıtyp, óz kinásin moıyndady. Keıin óziniń qylmysyn jasyrý úshin qurbanynyń denesin bólshektep tyǵyp qoıǵan”, — delingen habarlamada. Kúdikti qamaýǵa alynyp, Qylmystyq kodekstiń 99 baby boıynsha tergeý júrgizilýde. Esterińizge salsaq, áıeldiń denesi 9 mamyr kúni shabadannyń ishinde mektepke jaqyn aımaqta tabylǵan bolatyn.