Álemde qazaqtaı óleńdetip, uıqaspen, oımen, maqammen sóılesetin ult joqta shyǵar-aý, bul óner qazaqtyń erekshe talantty ult ekendigin jer betine dáleldeıtin jalǵyz qasıeti. Aıtysty túsiniý men túsinbeý óz aldyna bir aqyret, sebi aıtys betpe-bep, sýryp salyp betiń júziń demeı arqalanyp shabatpen jyr tógedi, shyn máninde arqaly aqyndardy túgeldeı túsiný qıynnyń qıyny, aýzymen qus tistegen júırikter sóz saıysynda, oıyn oı qýyp aıtaıyn degenin aıtpaı, aıtpaıyn degenin aıtyp jiberedi, sol kezde ishinde qalǵan sózdi oqý, úndi tyńdaý, bulqynysty júrekpen seziný ádil qazynyń moınydaǵy úlken sharýa bolmaq. Áıtse osy ulyq ónerdi sońǵy jyldary bılik partıasynyń ózi bas bolyp uımdastyryp, qarjylandyryp otyrýy bıliktiń halyqpen tyǵyz baılanysta ekeniniń dáleli, bul «aqsha aqash jáne aqash» degen materıaldyq baılyqty emes, rýhanı baılyǵymyzdy tirilte bastaǵanynyń jandy kórinisi. 2-3 mamyr kúnderi «Nur Otan» partıasy men Atyraý oblystyq ákimdiginiń qoldaýymen Atyraý qalasy Mahambet atyndaǵy oblystyq qazaq drama teatrynda Respýblıkalyq «Urpaqqa uran bolǵan Uly Jeńis!» atty alaman aıtys ótip 24 sóz qýǵan júırik baq synady. Bul aıtysty bizder 10-11 mamyrda qazaqstan ulttyq tele arnasynda túski saǵat 12 den bastap eki kún tmashalap tamsandyq...
Tamsanatyn jónimiz bar Bolatbek pen Aspanbektiń aıtysy birinshi kúnigi aıtystyń shyńy boldy. Áý, degende óleńdete sozbaqtap, sózbermeı aspanda kóp ushty Aspanbek aqyn, kezegi zorǵa kelgen Bolatbek qarsylasynyń basyndaǵy oramalynna baılanysty sóz qozǵap, baıaǵynyń barymtashylary kıetin, búginniń qyztekeleri oraıtyn qazaqqa jat tirlik dep bir qaıyryp, batyrlar eline barymtaǵa keldiń be dep óziniń qazaqı dúnıe tanymda tamyrynyń tereń ekendigin birden baıqatty, Kerkýlik qyzýqandy Aspanbek tekqana «kókermeı» óreli oı aıta bildi, ol «Qyzjibek» kınosyn alǵa tartyp Shegeniń bas kımin kórmediń be deı kele, «Myńbala» kınosyndaǵy Sartaıdyń kımine eliktegenin de jasyrmady, kók jáshiktiń aldynda kóp telmirgen mynaý bir qýys keýde eken degen Bolatbektiń uzstazym dep Qurannan bastap Orazálige ákelip toqtata tókpelegen jyry Aspanbektiń tóbesinen jáı túskendeı jasady, osylaı jalǵasqan Bolatbektiń «etno aıtysy» qarsylasyn jel qoparǵan terekteı tereıtti.
Sol kúnniń taǵy bir tamasha aıtysyn Meıirbek jasady, ol ákeden balaǵa mıras bolyp otyrǵan bolashaq muǵalim ekenin aıta otyryp, búgingi qaǵazǵa tunshyqqan oqytýshynyń shyn keıip-kespirin tátti jyrmen qoǵam shyndyǵyn tamasha jetkizdi halyqqa, otyrǵannan qol soqpaǵandar bolmady sol sátte. Amal neshik qarsylasy Tarazylyq aqynyń qarymy tómen bolyp, talantty aqyn bir qanaty joq qyrandaı kóp nárseni qysqa qaıyrdy. Ǵalamat aıtys kútken halyqqa Baýyrjan tatymdy jyr aıta almady, áý, degennen jańylyp aıtys arstany Bekarys seniń azýyńdy qaǵyp alamyn dep ses kórsetti, al Bekarys belden basa tistegen jerden Baýyrjanǵa azyý salyp búrip-búrip jiberdi, desede jurt sýyq qabyldady, onda bir túrli «sirińkelik pen syrǵymallyq» qatar shapty. Qolymdaǵy jazyp jatqan jumysymdy tastyp «bákisin joǵaltqan shaldaı» sheke tamyrym tyrysyp bir sótke kútip, ertesi taǵy tele jáshikke telmirdik, aqtyq saıysqa oza shapqandardan qyzyqty aıtys jasaǵandar Shalqarbaı men Erkebulan boldy, Astanalyq Erkebulan jańyltbash óleńdi tógip-tógip Shalqarbaıǵa bergenlde olda tosylmady, desede tisqaqty aqynnyń desi basym túsip otyrdy. Alaıda aýylda júrgen talantty aqyn Shalqarbaıǵa qazylar alqasy oń kózben qarap oń baǵasyn berdi. Qaı aıtysta bolsyn shyn shabytty sharyqtatqan ataqty aqyn Bekarys qarsylasyn ótkir oıymen, totıayn tilimin mıynyń yńǵy- dyńǵysyn shyǵarar ádeti bar edi. Bul joly Bolatbektiń tórt aıaǵyn teń basqan «qarttar jaıly» aıtqan tópegen jańbyrdaı tókken óleńi jurtty tebirentti, artynsha qala men dala jaıly Buharsha tolǵady, sol kúngi aıtystyń aqbas shyńdaryndaı óresi bıik boldy. Bolatbektiń bolattaı oılary Bekarystyń janynan zýlady, aǵa aqyn Orazaly tirildi dep alty alashqa jar salyp jeńilgenin moıyndap tektiligin baıqatty.
Batystaǵy bul retki aıtys basqa aıtystan ózgeshe ótkeniniń bir belgisi talaı jyldan beri baǵy janbaı júrgen sabaz da kerbez tarlan jyrlar tógip júrgen Amanjol Altaevtyń shákirti Maqsat Aqanovtyń birinshi oryndy alýy aıtys súıer qaýymdy bir kóterip tastady. Sonymen birge jańa shyqqan jas aqyn qyz Táýshenovaǵa óz júldesin berip eki kún boıy tapjylmaı otyrǵan ákim İzmuqambet aǵamyz asqan erlik jasap aıtystyń jáı sóz emes ekendigin baıqatty. Sońǵy sózdi alǵan «Nur Otan» partıasy tóraǵasynyń birinshi orynbasary Baýbek myrzanyń bizdiń partıa sıaqty aıtysta halyq pen bılik ortasyndaǵy altyn kópir deıkele, elbasy rýhanıtqa mán ber dep pármen berýde deýi jurtty jubatty.
Barlyǵyna ondyq balmen toǵyzdyqty berip otyrǵan ádil qazylar alqasy artynan qatesin túzep, shynaıy baǵalaryn aqyldasa otyryp kókpardy tek sońynda ǵana qalǵandarmen bólisetin qazaqtardaı ádil tórelik jasady. Nátıjesinde Bas júldeni Bolatbek Orazbaev qanjyǵalasa, birinshi oryndy Maqsat Aqanov ıelendi. Ekinshi oryndy Bekarys Shoıbek pen Shalqarbaı İzbasarov ózara bólisti. Úshinshi oaryndy Baýyrjan Halıolla, Erkebulan Qaınazar, Meıirbek Sultanhan qatarly aqyndar qanaǵat tutty.
QazUÝ Shyǵystaný fakúltetiniń aǵa oqytýshysy Nurhalyq Abdyraqyn
