Dımashtyń jankúıerleri Dımashqa qoldaý bildirip, maqtan tutatynyn aıtty dep jazady Qamshy.kz aqparat agenttigi. Bul týraly Dımashtyń jankúıerleri óz Instagram paraqshasyna jazdy. 

"Dımash birde bylaı dep aıtqan edi: "Barlyq jaǵdaıda adamgershilik tanytý kerek. Mamandyǵyńyz ártis pa, ustaz ba, dáriger me, qandaı mamandyq ıesi bolsańyz da rýhanı qundylyqtardy joǵaltpaý kerek". Dımash búgin osy sózderin isimen dáleldedi. Ol ádemi danaly sózderdi aıtyp qana qoımaıdy, ómirde qoldanady. "Adagio" ánin keremet oryndaǵannan keıin Dımash sóz alyp, balalarmen saıysqa túskisi kelmeıtindign aıtyp ári qaraı shoýǵa qatysýdan bas tartty",- dep jazdy Dimash.dostar. 

Aıta ketsek, Dımash Qudaıbergen The World's Best amerıkalyq shoýynyń jartylaı fınalyna kishkentaı balalarmen baq synaspaıtynyn aıtyp, saıysty odan ári jalǵastyrýdan bas tartty. Bul amerıkalyq qazylar-alqasy úshin tańǵalarlyq jaıt boldy. Keıbiri Dımashqa "qaıda kelgenińdi bildiń ǵoı", - dep renishterin bildirdi. Al Dımash Qudaıbergen bolsa "Maǵan degen azdaǵan renish baryn baıqadym. Bul meniń egoıstigim emes. Biraq aǵa-apalarymyz meniń durys jasaǵanymdy áıteýir bir kúni túsinetinine men kámil senemin",- dedi. 

Al Qazaqstannyń atynan qazylar alqasynyń múshesi bolǵan Gaýhar Nurtas óz áriptesterine bul qazaqtyń mentalıteti ekenin túsindirýge tyrysty. 

Usynǵan: Ásel Bolatqyzy