"Men dárethanany jýmaımyn". Aqtóbe medısınalyq ýnıversıtetiniń stýdenti joǵary oqý ornynyń  profesoryna shaǵymdandy dep habarlaıdy Qamshy.kz aqparat agenttigi newtimes.kz saıtynyń deregin negizge ala otyryp. 

Áleýmettik jelide ájethanada  medısına stýdenti men ýnıversıtet qyzmetkeri arasyndaǵy urys týraly vıdeo tarap ketti. 

Vıdeoda stýdent qyzdyń ájethanada qolyna qolǵap  kıip, shelek ustap tur. Qyzdyń janynda taǵy bir áıel bar. Ekeýi bir-birine daýys kótere sóıleıdi. 

— Men jaı ǵana jaqsylap jýǵym keldi - deıdi qyz.

— Jý, jaqsylap jý - dep jaýap beredi áıel

— Ájethanany jýmaımyn, qalaı sasyp turǵanyn kórmeı tursyz ba - deıdi ashýlanǵan qyz. 

Budan keıin olardyń áńgimeleri tipti dórekilene tústi, bir - birine aıqaılaı bastady.

Osy oqıǵaǵa baılanysty esimin jasyryp qalǵan áleýmettik jeli qoldanýshysy Marat Ospanov atyndaǵy ZQMMTÝ profesory jáne stomatologıa bóliminiń meńgerýshisine: Oqý aqysyna 800myń teńge tóleımiz, onymen qoımaı ájethanany da tazalaýymyz kerek pe? - dep renishin bildirgen. 

Al, Batys Qazaqstan medısına ýnıversıteti ol kúni joǵary oqý ornynda  senbilik bolǵanyn aıtqan.

"Marat Ospanov atyndaǵy ZQMÝ basshylyǵynyń sheshimimen stomatologıa fakúltetiniń oqý aýmaǵyn keńeıtý boıynsha qosymsha úsh qabat jáne ımıtasıalyq ortalyq ashylǵan bolatyn. Osy ǵımarattardyń kúrdeli jóndeýine baılanysty fakúltettiń jáne joǵary kýrs stýdentteriniń qatysýymen eriktiler jumysyn uıymdastyrdyq, bul jaǵdaı sol kúni oryn alǵan" - dep habarlaıdy ýnıversıtettiń baspasóz qyzmeti.

Qazirgi tańda Ýnıversıtettiń rektory Erbol Bekmuhambetovtyń tapsyrmasy boıynsha, oqıǵanyń barlyq jaǵdaılaryn túsindirý úshin komısıa qurylyp, onyń jumysynyń qorytyndysy boıynsha tıisti sharalar qabyldanatyn  málimdedi medısına ýnıversıteti.

Aýdarǵan: Farıza Jomartqyzy