Senator Darıǵa Nazarbaeva DAISH (Qazaqstanda tyıym salynǵan) lańkestik uıymynyń qozǵalysy qaýip tóndirýi múmkin ekenin aıtty, - dep habarlaıdy Qamshy.kz aqparat agenttigi Tengrinews.kz saıtynyń deregine súıenip.

"Shynynda, biz Astana prosesiniń Sırıadaǵy jaǵdaıdy retteýge qosqan úlesin maqtan tutamyz. Oǵan qosa, Reseıdiń Sırıadaǵy problemaǵa aralasýynyń arqasynda DAISH-tyń sońǵy qorǵany ǵana qaldy. Aldaǵy ýaqytta bul másele sheshimin tabady degen oıdamyz", - dedi Nazarbaeva.

Onyń aıtýynsha, lańkesterdiń qaı baǵytqa oıysatyny mańyzdy suraq bolyp tur.

"Olar kelesi aımaq retinde bizdiń jerlerge jáne Orta Azıaǵa oıyspaqshy ma? Biz Reseıdiń Aýǵan shekarasynda jasaǵan retteý jumysyn joǵary baǵalaımyz. DAISH lańkesteri Aýǵanstannyń soltústigine baǵyt alýdy josparlap jatqanyn, odan ári Ortalyq Azıaǵa jyljymaqshy degen aqparat bar. Bul jaǵdaı bizdi mazalaıdy", - dedi Darıǵa Nazarbaeva.

7 aqpanda AQSH Prezıdenti Donald Tramp DAISH lańkestik uıymymen kúresý naýqanynda olardyń 100 basshysy men on myńǵa jýyq áskeri joıylǵanyn málimdedi.  

Usynǵan: Nazerke Labıhan