Atyshýly ırlandıalyq sportshy Konor Makgregorǵa seksýaldyq zorlyq kórsetti degen aıyp taǵyldy dep jazady Qamshy.kz aqparat agenttigi. 

New York Times basylymynyń habarlaýynsha, 2018 jyly aty-jónin jasyryn ustaýdy jón kórgen qyz Konorǵa qarsy aryz jazǵan.  Bir aıdan keıin Konordy polısıa qyzmetkerleri tutqyndap, tergeıdi. Qylmystyq istiń áli núktesi qoıylǵan joq. Tergeý jumystary jalǵasyp jatyr.

Al Konor Makgregordyń baspasóz qyzmetkeri Karen Kessler  sportshynyń karerasyn aıaqtaýyna bul jaıttyń qatysy joq ekenin málimdedi.

"Bul is birneshe aıdan beri jalǵasyp kele jatyr. Biraq bul jaıttyń qazir ǵana qyzý talqyǵa túsip jatqany túsiniksiz. Sondaı-aq Konordyń kúni keshe karerasyn aıaqtaýyna bul istiń qatysy joq. Bolashaqta Konor qalasa, jekpe-jekke qaıta oralýy múmkin. Sonymen birge bul sársenbi kúni bolady. Eger sportshylar kásibılikti, ynta men jigerdi baǵalaı alatyn bolsa, Konor qaıta oralady",- deıdi Karen Kessler. 

Eske sala ketsek, 26 naýryzda Konor Makgregor óziniń karerasyn aıaqtaǵanyn málimdegen bolatyn. 

Usynǵan: Ásel Bolatqyzy