AQSH-tyń prezıdenti Donald Tramp   ustanǵan pozısıasy men kózqarasyn  óziniń twitter-degi jazbasynda bildirip otyrady.

Alǵashqyda muny amerıkalyq qoǵam qabyldaı qoıǵan joq. Tipti Trampty mazaq etkender de tabyldy. Áńgime biraq basqada. Atap aıtsaq, Tvıtterge ne jazsań da, ol baıypty baılam men salmaqty kózqarasqa baılanysty ǵoı.

Buryn Qazaqstanda joǵary bılik úshin áleýmettik jelilerde ashyq kózqarasyn bildirý bolǵan joq. Muny Toqaev  Senat tóraǵasy retinde birneshe jyldan beri júzege asyryp keledi. Prezıdent qyzmetine kiriskende de Twitter arqyly Toqaev atqarýshy biılikke tapsyrmalar bere bastady. Qazir aqıqaty kerek, aqparattyq portaldarǵa emes, aldymen tań azanda Toqaevtyń Twitter-ine qaraıtyn boldyq. Bul prezıdenttiń ábjil qımylyn, kez kelgen oqıǵaǵa tez baǵa berip, jedel kózqaras bildire alatynyn kórsetedi. Buryn jabyq bolyp kelgen qazaq bıligi úshin bul óte qajet nárse.

Onyń ústine prezıdent Toqaevtyń baspasóz hatshysy bolyp jýrnalıs Berik Ýálıdiń kelgeni de jalpy oqyrman qaýym úshin tıimdi boldy dep aıtýǵa tolyq negiz bar. Halyq Toqaevtyń  kez kelgen oqıǵaǵa kózqarasyn Tvıtterdegi jazbasy arqyly  bilip jatsa, onda kóńilde esh kúmán qalmaıdy. Mundaı jaǵdaıda halyqtyń da bılikke senimi artady.

Osydan birneshe kún burynǵy Mı-8 tikushaǵynyń apatyna baılanysty Toqaev atqarýshy bılikke tez tapsyrma berdi. «Tergeý jumystary júrgiziledi. Qaıtys bolǵandardyń otbasyna materıaldyq kómek beriledi»,- dedi. Al keshe..

Prezıdent telearnalardan kórsetilgen Leńgerdegi kóppáterli turǵyn úıdiń ótkir máselesin (vıdeosy-tómende) shuǵyl túrde sheshýdi premer-mınıstr Asqar Mamın men Túrkistan oblysynyń ákimi Ómirzaq Shókeevke tapsyrdy.

Demek,  budan shyǵatyn qorytyndy ne? Tikeleı tapsyrma berý arqyly másele tez sheshiledi. Áıtpese, bizdiń atqaminerler tapsyrmany bir-birine siltep, máseleni sózbuıdaǵa salyp júre beredi. Bıliktiń qashan da ashyq bolǵany durys. Munyń ákimderge de tikeleı qatysy bar. Al prezıdenttikke kelgenine on kún bolǵan Qasym-Jomart Kemeluly  qara halyqqa qanshalyqty jaqyn bolady? Aınalasyndaǵylar ony oqshaýlandyryp, tek qana jaǵymdy aqparatpen shektep qoımaı ma?  Árıne ony ýaqyt kórseter. Biraq ázirge Toqaev Twitter arqyly biraz máseleni sheship otyr...