Almatyda eki jasar qyzdy rotveıler ıt talap óltirdi, dep jazady Qamshy.kz aqparat agenttigi.

Atalmysh oqıǵa Qurylysshy shaǵyn aýdanynda oryn alǵan. Kishkentaı búldirshin dárigerler kelip jetkenshe qaıtys bolyp ketken.

Keıinirek Almaty qalalyq veterınar qyzmetinde kishkentaı qyzǵa bir emes, eki ıttiń jabylǵanyn anyqtady. Belgili bolǵandaı, eki ıt te qaıtys bolǵan búldirshinniń otbasyna tıesili eken.

«Qazir kishkentaı qyzdy talap óltirgen rotveıler ýaqytsha ıtter men mysyqtardy ustaýǵa arnalǵan ızolátorda qamaýda, olardy arnaıy veterınar mamandar óz baqylaýynda ustaıdy. Bolǵan istiń mán-jaıy anyqtalyp jatyr. Sondaı-aq, mundaı tuqymdy ıtterdi asyraıtyn otbasylarǵa qaýipsizdik sharalaryn qatań ustaný qajettigi eskertildi», - deıdi vedomstvo qyzmetkerleri.

Aıta keteıik, mundaı oqıǵa birinshi ret bolyp otyrǵan joq. Bul ýaqytqa deıin de ıtter talap óltirgen birneshe oqıǵalar tirkelgen. Solardyń biri – 2016 jyldyń 13 sáýirinde Aqbulaq shaǵyn aýdanynda úsh jasar qyzdy qańǵyǵan ıtter talap óltirgen edi.

Usynǵan: Nazerke Labıhan