Tikushaq apatynan qaza tapqan eki áskerıdiń tulǵasyn anyqtaý múmkin bolmaı jatyr. Qyzylorda oblysynda. Apat ornynan búgin jetkizilgen úsh marqumnyń deneleri zerttelip jatyr. Saraptama júrgizip jatqan mamandar, ásirese, eki áskerıdiń tulǵasyn anyqtaý asa qıyndyq týdyratynyn aıtady dep habarlaıdy Qamshy.kz aqparat agenttigi KTK arnasyna silteme jasaı otyryp.

Rahymjan Álip, Qyzylorda oblysy boıynsha sot saraptamasy ortalyǵy dırektorynyń orynbasary: 6-nyń tulǵasy anyqtaldy. 7-ne tulǵasyn anyqtaý jumystary, saraptama jumystary taǵaıyndaldy. Endi bólshektenip ketken 2 máıit bar, sony qurastyramyz, qaraımyz, jeke basyn anyqtaımyz. Erekshe belgilerin anyqtaımyz, kıimderi boıynsha qaraımyz. Sol boıynsha anyqtaý jumystaryn júrgizemiz - deıdi.

Tikushaq apatynan qaza tapqan 13 áskerı qyzmetkerdiń de deneleri Qyzylorda qalasyndaǵy sot-saraptamalyq ortalyqtyń máıithanasyna jetkizilgen edi. Kim ekeni naqtylanǵandardy búgin oblystyq aýrýhananyń máıithanasyna aýystyryp jatyr. Jospar boıynsha olardy erteń týǵan jerlerine jiberý kerek. Al, saraptama júrgizilip jatqandary tolyq tanylǵan soń qaıtarylmaq. Apat oryn alǵan Jalaǵash aýdanynda qazir tótenshe jaǵdaılar departamenti men áskerı áýe kúshteriniń sarbazdary tikushaq qaldyqtaryn jınaýda.

Eske salaıyq, 27 naýryz kúni keshke Qyzylorda oblysynyń Jalaǵash aýdanynda MI-8 tikushaǵy apatqa ushyraǵan bolatyn. Qorǵanys mınıstrliginiń aqparatyna sáıkes, atalǵan tikushaq Aqtaý qalasynan Shymkentke bet alǵan 4 áskerı tikushaq quramynda bolǵan. Barlyq ekıpaj múshesi —  13 adam qaza tapty.

Usynǵan: Farıza Jomartqyzy