Borodavkınniń pikirinshe, latyn álipbıine kóshý – Qazaqstannyń ishki sharýasy, dep jazady Qamshy.kz aqparat agenttigi Sputnik Qazaqstan saıtynyń deregin negizge ala otyryp.

Reseıdiń Qazaqstandaǵy elshisi Alekseı Borodavkın Qazaqstanda qazaq tili pozısıasynyń kúsheıýi – qalypty qubylys dep sanaıdy.

Onyń pikirinshe, til, tarıh, mádenıet – Qazaqstan halqy birtektiliginiń elementteri.

"Qazaqstanda qazaq tiliniń qoldanys aıasy keńeıip barady dep alańdaıtyndardy túsinbeımin: bul tabıǵı ári durys proses. Biraq, bul orys tiliniń pozısıasy ádeıi báseńdetilip nemese shek qoıylyp jatyr degendi bildirmeıdi. Máselen, naqty mysal keltireıin. El basshylyǵy orys tilinde sóıleıdi, tek óz aralarynda ǵana emes, Qazaqstan halqyna úndeý jasaǵan kezde de", - deıdi dıplomat  "Rossıa 24" telearnasyna bergen suhbatynda.

Sondaı-aq, ol latyn álipbıine kóshý men qazaqstandyq banknottarda jazbanyń tek qazaq tilinde jazylýy Qazaqstannyń ishki sharýasy dep sanaıdy.

"Qazaqstan egemen el ekenin esten shyǵarmaý kerek. Sondyqtan banknottarda jazba mátini qazaq tilinde emes, basqa tilde bolsa, bul qyzyq bolar edi. Degenmen biz, qazaqstandyq dostarymyzben birlesip, orys tiliniń Qazaqstan ıgiligi bolyp qala berýin, onyń mádenıeti men ıntellektýaldy áleýetin baıyta berýi jolynda aıanbaı eńbek etemiz", - deıdi Borodavkın.

Usynǵan: Nazerke Labıhan