"Umytylmas kún" jáne "Dýdaraı" ánin qazaq tilinde oryndaǵan Dımashtyń jankúıeri qazaq halqynan keshirim surady dep jazady Qamshy.kz aqparat agenttigi. Lara Aleıho qazaq halqynyń mádenıeti men ónerine qyzyǵýshylyq tanytyp júrgenin aıtty. 

Lara Aleıho birneshe aı buryn Dımashtyń "Umytylmas kún" ánin qazaq tilinde aıtyp kóptiń kóńilinen shyqqan bolatyn. Jaqynda "Dýdar-aı" ánin qazaq tilinde oryndady. Alaıda atalmysh vıdeodaǵy kıimine qatysty kóptegen synı pikirler aıtylǵan. Keleńsiz jaıtqa baılanysty portýgal qyzy qazaq halqynan Instagram paraqshasy arqyly keshirim surady. 

♦Portýgal qyzy Dımashtyń ánin qazaq tilinde oryndady (vıdeo)

"Qurmetti oqyrmandarym! Men bul jazbam arqyly qazaq halqynan keshirim suraımyn. "Dýdar aı" ánin oryndaý arqyly men qazaq halqynyń mádenıeti men ónerine qurmetpen qaraıtynymdy bildirgim kelgen edi. Bul eń mańyzdysy. Qazaq degen uly halyqtyń mádenıeti men ónerine qyzyǵýshylyq tanytyp júrmin. Sol sebepti azdaǵan olqylyqtarǵa kóńil bólmeýlerińizdi suraımyn. Meniń kıimim Eýropa elderinde de, Portýgalıada da qalypty kıim dep eseptelinedi. Tipti joǵary baǵalanady. Sondaı-aq men bul kıimdi jalǵyz ózim tańdamadym. Mundaı jumystardy atqaratyn arnaıy top jasaqtalǵan. Sol sebepti túsinistik tanytasyzdar dep úmittenemin. Men qazaq halqynyń óneri men mýzykasyna degen mahabbatymdy kórsetkim keldi. Sizderdiń qoldaý bildirgenderińiz úshin alǵys aıtamyn. Men muny qatty baǵalaımyn. Barlyǵyńyzdy jaqsy kóremin jáne taǵy da keshirim suraımyn!", - dep jazdy Lara Aleıho. 

Aýdarǵan: Ásel Bolatqyzy