Atyraý oblysy ákimi Nurlan Noǵaevtyń usynysymen júzege asyrylyp jatqan «İsker ana» aımaqtyq jobasynyń aıasynda jańa mamandyqty ıelenýdiń qysqa merzimdi kýrstaryn jalǵyzbasty analardyń, erekshe balalardy tárbıelep otyrǵan analardyń, otbasylyq tómen analardyń taǵy bir toby támamdady dep habarlaıdy Qamshy.kz aqparat agenttigi.

Eske sala ketelik, atalmysh jobany «Ǵasyr» oqý ortalyǵynyń negizinde «Azamattyq joba» júzege asyrýda. «Azamattyq ortalyq» dırektorynyń orynbasary Erjan Onǵaralıev atap ótkenindeı, 55 sertıfıkattyń ıesi bul joly «býhgalterıa negizderi», «shashtaraz», «aspaz», «kadr qyzmeti», «ásemdeýshi» mamandyqtary boıynsha dáris oqyp shyqqan. Olardyń ishinde aspaz, shashtaraz jáne kadr qyzmeti mamandyqtary suranysqa kópteý ıe boldy. Dáris oqyǵany týraly sertıfıkattardy analarǵa Atyraý oblystyq ishki saıasat basqarmasy basshysynyń orynbasary Saǵadat Ájiǵalıev tabystady.

«İsker ana» jobasy boıynsha áıelderdiń tańdaýyna 12 mamandyq usynylyp otyr: tiginshi, aspaz, manıkúr sheberi, ásemdeýshi, shashtaraz, býhgalter, massajıst, aǵylshyn tili kýrstary, kompúter kýrstary, is júrgizýshi, satýshy, áleýmettik jelilerdegi marketıń. Jobanyń basty maqsaty - áıelderdiń jańa kásip ashýy.

Usynǵan: Gúlim Jaqan